Në episodin e tetë në “Përballje Podcast” është diskutuar roli, përgjegjësia, raportimi dhe situata e mediave edhe tek mediat në gjuhët e komuniteteteve në Kosovë.
Gazetarja Zulfije Jakupi me përvojë të gjatë në mediat e Kosovës në gjuhën serbe dhe ish- korrespodente e DW thotë se ka dallime drastike nga koha kur ka nisur ajo punën me atë që ndodh sot.
“Unë jam nga 2000-ta në gazetari, pra në Kosovë, e atëherë, kur unë kam filluar me gazetarinë, kemi pasur tejet shumë misione ndërkombëtare që kanë udhëhequr me Kosovën, kemi pasur Misionin e OSBE-së që ngushtë ka mbikëqyrur punën e mediave, pra ka pasur llogaridhënie për secilën fjalë që është thënë. Natyrisht, ajo periudhë e pasluftës është përqendruar tek mundësia që të informohen njerëzit mbi atë se çfarë ka ndodhur gjatë luftës, si dhe për atë se si do të shkojë më tutje Kosova”, ka thënë ajo.
Sipas saj, sot ka disa tema të tjera, por vazhdohet të përjetohen disa tensione, së paku kur dëgjohen mediat.
“Nuk duhet të nënkuptohet që e njëjta gjendje vlen edhe në terren, apo jo gjithmonë, sigurisht që disi mediat nganjëherë edhe i nxisin ato tensione midis komuniteteve, që jo gjithmonë, po e them, mund të jetë edhe realiteti në terren. Pra, ka ndryshuar mënyra e punës edhe në kuptimin teknologjik, tash kemi telefona të mençur, tepër shpejt arrijnë informatat në redaksi, kemi edhe rrjetet sociale që kanë dëmtuar shumë, mund ta them, profesionin e gazetarisë, apo gazetarinë në përgjithësi”, ka thënë ajo në “Përballje Podcast” me kryeredaktorin Muhamet Hajrullahu shkruan Telegrafi.
Jakupi ka folur edhe për profesionalizmin e mediave dikur dhe sot.
“Po gjithsesi që ka shumë profesionalizëm edhe sot, natyrisht, por gjithçka varet nga shtëpia mediale, se çfarë dëshiron të bëjë, si dhe në çfarë mënyre dëshiron të merret me profesionin e gazetarisë. Pra, kjo gjë gjithsesi që varet nga synimi individual i secilit gazetar, sa dëshiron të jetë i suksesshëm në profesionin e tij apo saj, si dhe nëse dëshiron të jetë gazetar i vërtetë, apo dëshiron të jetë ndoshta bartës i informatave, apo të bëjë ndoshta një lloj propagande në emër të dikujt apo një diçkaje”, ka deklaruar ajo.
Sipas saj mbetet problem punësimi i gazetarëve të ri.
“Edhe në RTK kemi një problem tejet të madh në kuptimin e punësimit të gazetarëve të rinj, kur bëhet fjalë për redaksitë e komuniteteve. Kemi hapur një konkurs vitin e kaluar, por edhe në fillim të këtij viti, konkurse për punësimin e gazetarëve të rinj, për shembull në RTK 2, kanali televiziv në gjuhën serbe. Pastaj, kemi pasur konkurse për redaksitë tjera, për shembull redaksinë e gjuhës boshnjake, pra, lajmërohen aq pak njerëz, sa që është vështirë të kemi konkurse të vlefshme….” ka shtuar ajo.
Në këtë seri të tetë episodeve të para të podcastave janë diskutuar tema për dezinformimin, keqinformimin, edukimin medial, qëndrueshmërinë e mediave, raportimin në baza etnike etj.
“Përballje Podcast” është realizuar me mbështetjen e Institutit Kombëtar Demokratik (NDI) dhe Agjencisë së Shteteve të Bashkuara për Zhvillim Ndërkombëtar (USAID), në Kosovë. Opinionet e shfaqura në këtë podcast nuk pasqyrojnë domosdoshmërish pikëpamjet dhe qëndrimet e NDI dhe USAID. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Sela paralajmëron protesta: Mickoski po sulmon demokracinë, duhen zgjedhje të jashtëzakonshme shkaku i kësaj qeverie jolegjitime
AUV Maqedoni gjobit tri restorante dhe një mishtore për shitjen e ushqimeve të pasigura dhe për moskryerjen e kontrollit sanitar
Ndërron jetë gjeneral Imri Ilazi, Krasniqi e Haradinaj: Ishte shembull i guximit dhe përkushtimit të pakompromis për lirinë e vendit
Ndryshim moti në fundjavë, nga e diela rënie e temperaturave
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Kurti në takim me kryeministrin e Kroacisë: Serbia mbetet faktor destabilizues e kërcënues i rajonit
Imami Maliqi njofton se do të rifillojë mësimin nxënësja nga Peja që u largua për shkak të mbulesës
Lajçak deklarohet pas takimit me Kurtin në New York
Kështu do të llogariten çmimet e reja të sigurimit të detyrueshëm të automjeteve në Shqipëri
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
Zelensky ua paraqet politikanëve amerikanë 'planin e fitores' – tregon se për çfarë bëhet fjalë