Mbappe i dërgoi një mesazh të fuqishëm presidentit të PSG-së pas përplasjes së ashpër

Kylian Mbappe pati një grindje të ashpër me presidentin e PSG-së, Nasser Al-Khelaifi të dielën mbrëma përpara ndeshjes kundër Toulouse, ndeshja e fundit e parisienëve në ligë në shtëpi dhe e fundit e lojtarit në Parc des Princes si lojtar i klubit.

Miliarderi nga Katari thuhet se e kishte inat sulmuesit francez sepse ky i fundit nuk e përmendi atë në videon e tij të lamtumirës, ​​e cila u shfaq në ekranin e madh në stadiumin e Parisit para ndeshjes.

Sipas Le Parisien, një debat i ashpër shpërtheu mes Mbappes dhe Al-Khelaifit, të cilët nuk kanë folur që kur Mbappe njoftoi se do të largohet në fund të sezonit. Dyshja, sipas Le Parisien, u mbyllën në një dhomë nga e cila u dëgjua një britmë. “Muret po dridheshin”, shkruan një gazetë franceze.

Mbappe u transferua erdhi te PSG në vitin 2018 për 180 milionë euro nga Monaco. Edhe pse ai luajti me Messin dhe Neymarin, ai nuk arriti të fitojë Ligën e Kampionëve.

Këtë nuk ia doli as këtë vit, PSG u eliminua në gjysmëfinale nga Borussia Dortmund. Prej disa kohësh është i pakënaqur dhe dëshiron të largohet. Presidenti i klubit e mbajti atë dy vite më parë me një nga kontratat më të mëdha në historinë e futbollit.

Lexo po ashtu “Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi

Ai mori një bonus prej 180 milionë eurosh vetëm për nënshkrimin e kontratës dhe 70 milionë shtesë në fund të çdo viti të kontratës, e cila është dashur të zgjasë për tre vjet. Por atij iu ofrua opsioni për t’u larguar falas pas dy sezonesh dhe ai vendosi të përfitonte nga ky opsion.

Kjo gjë e zemëroi Al-Khelaifin, por pavarësisht kësaj dhe përleshjes së ashpër verbale me të të dielën, ai vendosi të ndahej me të mbrëmë me shprehje mirënjohjeje dhe respekti. Në ceremoninë ku u shpall lojtari më i mirë i sezonit në ligën franceze, ai tha: “Falënderoj të gjithë njerëzit e klubit dhe presidentin. Do të më mungojnë. Por largohem me kokën lart”.

Edhe pse prej kohësh dihet se kur dhe ku largohet Mbappe, ai nuk pranon të përmendë Realin.

Kështu ai iu përgjigj pyetjes së gazetarit se ku po largohej në ceremoni: “Gjithçka në kohën e vet. Tani për tani mund të them vetëm se po largohem nga PSG. Për të tjerat nuk është ende koha për këtë. Babai im donte që unë të hyja në historinë e Ligue 1 para se të shkoja. Ka qenë një rrugëtim i gjatë dhe jam i lumtur që kam qenë në gjendje ta bëj atë”. /Telegrafi/