Von Cramon kritikoi marrëdhëniet e BE-së me Gjeorgjinë, i reagon zv.ministri Dobra: Sa ndryshon kjo nga ajo po bëni me Serbinë dhe Vuçiqin?

Zëvendësministri i Punëve të Brendshme, Bardhyl Dobra ka reaguar ndaj një postimi që ka bërë raportuesja për Kosovën në Parlamentin Evropian, Viola Von Cramon.

Von Cramon në një postim në “X” kishte reaguar rreth një fotografie ku shihej ambasadori i BE-së në Gjeorgji, Pavel Gerchinsky në një përurim së bashku me njerëzit që thuhet se miratojnë ligjet ruse, sulmojnë demonstruesit e rrahin liderët e opozitës dhe kërcënojnë aktivistët.

Viola von Cramon tha se ky sesion fotografik “i jep qeverisë gjeorgjiane përshtypjen se ne po vazhdojmë marrëdhëniet e biznesit me ta si zakonisht”.  Ajo gjithashtu bëri pyetje se: “Pse BE përsërit gabimet e saj dhe forcon autokratët? Për çfarë janë këto foto?

Exactly.
Why giving the 🇬🇪 government the feeling that we do business as usual, why is the 🇪🇺 repeating the mistakes and emboldening autocrats?
What are those pictures for?
Trusting building measures for anti-democratic forces in 🇬🇪?
This does not lead us anywhere. https://t.co/z4LXwNzWfL

— Viola von Cramon 🇺🇦🇪🇺🇮🇱 (@ViolavonCramon) May 11, 2024

E lidhur me këtë reagim të Von Cramon, zëvendësministri Dobra ka pyetur eurodeputeten gjermane se sa ndryshon kjo nga ajo që BE-ja po bënë me Serbinë dhe Vuçiqin?

Ai ka thënë se Serbia me paratë e marra nga Bashkimi Evropian po do të vendos influencën e Rusisë dhe Kinës në Ballkan.

“Ai po përdor paratë tuaja për të shtypur shqiptarët në Preshevë, të godasë opozitën, të ndërtojë infrastrukturën në bashkëpunim me Kinën, të marrë trajnim nga Kina për procesin e anëtarësimit në BE, të blej pajisje ushtarake nga Rusia dhe Irani dhe të vendos influencën e Rusisë dhe Kinës në Ballkan”, ka shkruar Dobra në “X”. /Telegrafi/

How is this any different of what you are doing in 🇷🇸 w/Vucic?

He is using your money to:
-crack down on 🇦🇱 in Presheva
-crack down on opposition
-build infrastructure by🇨🇳
-get training from🇨🇳 on🇪🇺accession process
-buy military equipment from🇷🇺🇮🇷
-est.🇷🇺🇨🇳influence in Balkans https://t.co/iSIL57TfXm

— Bardhyl Dobra (@BardhylDobra) May 12, 2024