Pamjet e fundit para tragjedisë, Alma dhe fëmijët nisen drejt urës së Bunës

Janë siguruar pamjet nga momentet e fundit të 39-vjeçares Alma Arrazi dhe tre fëmijëve të saj, para se të mbyteshin në lumin Buna.

Pamjet janë kapur nga kamerat e bizneseve aty pranë, pas verifikimeve që po bën Policia dhe Prokuroria për zbardhjen e kësaj ngjarjeje.

Në njërën prej pamjeve duket momenti kur Alma me tre fëmijët ndahet nga kunata me fëmijën e saj, pasi dalin nga lokali ku kishin konsumuar një kafe rreth orës 20:09.

Zona ka qenë e populluar në të dy momentet që kanë fiksuar lëvizjet e Alma Arrazit me 3 fëmijët.

Lexo po ashtu Pas tre fëmijëve, gjendet edhe trupi i pajetë i Alma Arrazit në ujërat e Bunës

Kunata e Almës, pasi qëndron në vend dhe shkëmben me Almën fjalët e fundit, nxjerr telefonin dhe duket sikur komunikon me dikë. Më pas ajo merr rrugën në kahun tjetër sëbashku me fëmijën.

Kamerat kanë fiksuar që ajo është drejtuar Tek Ura e Re e Bunës në orën 20:21 të mbrëmjes.

Nga pamjet duket se ata nuk janë hedhur nga ura. Nëna i ka zbritur fëmijët poshtë Urës.

I ka marrë në anë të lumit dhe i ka shtyrë. Ky është një nga versionet më të qëndrueshme sipas grupit të hetimit. /EuonewsAlbania/