Eminem-it iu desh të ‘rimësonte’ se si të bënte rep përsëri, pas mbidozës së drogës

Menaxheri i Eminemit ishte i shqetësuar se reperi mund të kishte disa probleme të përhershme.

Eminem-it iu desh të ‘rimësonte’ se si të bënte rep, përsëri pasi pësoi një mbidozë droge që e la menaxherin e tij të shqetësuar se mund të kishte probleme të përhershme.

15-herë fituesi i “Grammy”, foli për pasojat e mbidozës së tij gjatë një episodi të “Paul Pod”, podkasti i organizuar nga menaxheri i tij për një kohë të gjatë Paul Rosenberg.

Mbidoza ndodhi në vitin 2007, kur Em mori aksidentalisht shumë metadon, por vetëm në prill të vitit 2008 ai u qetësua dhe shkroi “Relapse” në ditët e para të shërimit – përpara se ta lansonte në 2009.

Gjatë intervistës, Rosenberg shpjegoi se si mjekët duhej të ‘stabilizonin’ Eminem, emri i vërtetë i të cilit është Marshall Mathers, me ‘disa medikamente’.

Ai tha: “Pra, ju jeni duke mësuar se si të bëni rep përsëri pothuajse fjalë për fjalë, apo jo?

“Sepse është hera e parë, me siguri, që po krijoni pa pasur substanca në trupin tuaj në, sado shumë vite, apo jo? Pra, është një përvojë krejtësisht e ndryshme.”

Duke folur për “XXL”, Eminem shpjegoi se si kishte luftuar një varësi nga ilaçet kundër dhimbjeve me recetë, duke pranuar se po merrte rregullisht Vicodin dhe Valium dhe më pas filloi të merrte Ambien.

Eminem e përshkroi përvojën e regjistrimit të albumit të tij pas mbidozës si “i ri për të”, duke i thënë Rosenberg: “Më kujtohet kur u bëra esëll për herë të parë dhe të gjitha gjërat ishin jashtë sistemit tim, mbaj mend që isha vërtet i lumtur dhe gjithçka ishte përsëri e re për mua.

“Relapse” ishte albumi i parë dhe i pari që u argëtova duke regjistruar për një kohë të gjatë.

“Ishte si hera e parë që fillova të argëtohesha përsëri me muzikë dhe të rimësoja se si të bëja rap.” /Telegrafi/