Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko

Ministri i Jashtëm i Bosnjës e Hercegovinës, Elemedin Konakoviq, ka shkruar sot në rrjetin social X se ambasadori i Serbisë në Shtetet e Bashkuara dhe Përfaqësuesi Special, Marko Gjuriq, e ka cituar gabimisht.

“Marko Gjuriq hyn në mandatin e ministrit të Punëve të Jashtme duke më cituar në mënyrë të rreme, rezoluta për Srebrenicën nuk ka të bëjë me dëmet e luftës dhe as nuk krijon supozim ligjor se duhet të fillojë një procedurë e tillë”, ka shkruar Konakoviq në profilin e tij në X, transmeton Telegrafi.

Ai është zotuar se do të përgjigjet ndaj çdo gënjeshtre duke sjellë të vërtetën dhe të tregojnë se çfarë bëjnë tjerët.

“Ne do t’i përgjigjemi çdo gënjeshtre me të vërtetën dhe do të tregojmë se çfarë po bëni. Ke gënjyer Gjuriq”, shtoi Konakoviq.

Ndryshe Serbia ka një qeveri të re. Përbërja e Qeverisë së re të Serbisë është bërë e ditur, e cila përfshin dy anëtarë nga “lista e zezë” amerikane. /Telegrafi/

U mandat ministra vanjskih poslova @markodjuric ulazi lažno me citirajući. Rezolucija o Srebrenici nema nikakve veze sa ratnom štetom niti stvara pravnu pretpostavku da se takva procedura pokrene. Na svaku ćemo laž odgovoriti istinama i pokazati šta vi radite. Lagao si Đuriću.

— Elmedin Dino Konaković (@DinoKonakovic) May 1, 2024