Plenkoviq fiton zgjedhjet në Kroaci

Bashkimi Demokratik Kroat (HDZ) ka fituar zgjedhjet parlamentare në Kroaci, megjithatë ata do të kenë nevojë për mbështetje nga e djathta ekstreme për të qëndruar në pushtet.

Sipas numërimit zyrtar të votave, HDZ e Andrej Plenkoviqit ka mposhtur aleancën e krahut të majtë të qendrës që udhëhiqet nga presidenti popullist Zoran Milanoviq dhe partia e tij Social Demokratike (SDP).

Nga votat e numëruara, komisioni zgjedhor tha se HDZ ka fituar 61 vende në parlamentin me 151 vende, ndërsa SDP ka siguruar 42 të tilla, shkruan euronews, përcjell Telegrafi.

Lëvizja e Shtetit është e treta me 14 vende, gjë që e bën atë faktor me ndikim në bisedimet e ardhshme për formimin e qeverisë.

Lexo po ashtu Rezultatet paraprake për parlament në Kroaci - Plenkoviq me aleatë kryeson para Milanoviqit

“Duke filluar nga nesër në mëngjes, ne do të formojmë një shumicë të re parlamentare për të formuar qeverinë tonë. Dua t’i përgëzoj partitë e tjera që u mposhtën nga HDZ-ja”, tha Plenkoviq në fjalimin e tij të fitores.

Ndryshe, zgjedhjet u mbajtën pasi Kroacia, anëtare e BE-së dhe NATO-s, lufton me normën më të lartë të inflacionit, mungesën e fuqisë punëtore, migrimin e paligjshëm dhe korrupsionin e përhapur në vend.

Por, fitorja e HDZ-së do të thotë se vendi ka të ngjarë të vazhdojë idetë pro-perëndimore. /Telegrafi/