Pavarësisht bojkotit që do t’i bëjë Lista serbe, qytetarët pritet t’i përgjigjen votimit të 21 prillit për shkarkimin e kryetarëve aktualë të komunave në veri të Kosovës.
Shtetet e QUINT-it kanë shprehur keqardhje për thirrjet e Listës Serbe që procesi i votimit për shkarkimin e kryetarëve në veri të bojkotohet, e nga shoqëria civile bojkoti nga votimi është quajtur i pavend.
Thirrja e Listës Serbe nuk e ka zbehur dëshirën e qytetarëve për ta shfrytëzuar të drejtën e votës më 21 prill për shkarkimin e kryetarëve aktualë në komunat e pjesës veriore.
“Duhet të jesh budalla ta bojkotosh këtë votim. Ky është mendimi im, kam dëgjuar që Lista Serbe diçka po përzien, unë nuk jam dakord me qëndrimet e tyre. Unë do të dalë të votoj”, tha për RTK një qytetar.
“Bashkësia evropiane është përgjegjëse, duhet të flas me Prishtinën që procesi të jetë demokratik, siç na takon, kjo është përgjigja ime”, tha tjetri qytetar.
Shtetet e QUINT-it kanë shprehur keqardhje për thirrjet e Listës Serbe që procesi i votimit për shkarkimin e kryetarëve në veri të bojkotohet.
“Na vjen keq për deklaratat e Listës Serbe dhe aktorëve të tjerë politikë serbë kosovarë që bëjnë thirrje për tërheqje nga pjesëmarrja në këtë votim për shkarkimin e kryetarëve. Pjesëmarrja demokratike është boshte për të siguruar që institucionet e zgjedhura të jenë përfaqësuese të qytetarëve që u shërbejnë. Votimi është një liri thelbësore e shoqërive demokratike”, thuhet në komunikatën e Shteteve të QUINT-it.
Sipas komunikatës, bojkotimi i këtyre votimeve nuk sjell asnjë rezultat pozitiv për serbët e Kosovës andaj i kanë bërë thirrje Listës Serbe dhe të gjithë të tjerëve që kanë bërë thirrje për tërheqje, t’i rishqyrtojnë qëndrimet e tyre.
Nga shoqëria civile në veri thonë se thirrja e Listës Serbe për bojkot është veprim i gabuar.
“Mendoj se ky qëndrim i Listës serbe nuk është i mirë, mendoj se është gabim, që po e vazhdon këtë agoni që në këto rrethana është e neveritshme”, tha Miodrag Marinkoviq, drejtor i OJQ “CAZA”
Megjithatë, qendrat e votimit në komunat veriore janë caktuar. Të dielën e ardhshme do të vëzhgohen edhe nga kamerat.
Me qëllim të garantimit të sigurisë së materialeve zgjedhore në qendrat e votimit ku do të votohet me 21 prill, do të vendosen edhe kamera. Në shkollën teknike në Mitrovicë të Veriut, e cila do të shfrytëzohet si qendër votimi, nuk ka filluar ende vendosja e kamerave”
Kur kanë mbetur më pak se 10 ditë nga ky proces, kamerat nuk janë vendosur as në vendvotimet e tjera të kësaj komune, por as të tri komunave të tjera veriore, megjithëse sipas KQZ-së, kjo pritet të bëhet në ditët në vijim. Që ky proces të ketë sukses, duhet të votojnë pro mbi 50% e qytetarëve me të drejtë vote.
Promo
Reklamo këtuLufta Prigozhin - Putin
Më shumëNga Rubrika
Sekuestrohen dhjetëra mijëra euro të vjedhura në Durrës, arrestohen dy persona
Një i vdekur dhe dy të lënduar në një aksident trafiku në rrugën Kumanovë – Shkup
Investim prej 600 mijë euro në Klinikën e Onkologjisë, Kurti e Vitia përmendin rritjen e kapaciteteve dhe cilësinë e shërbimeve
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Vërshime në Prishtinë, rruga "Ali Pashë Tepelena" shndërrohet në liqe
Besnik Berisha: Enver Sekiraqa nuk është arratisur
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Forca Detare shqiptare dërgon anijen e dytë në operacionet e NATO-s
E rrahin e më pas ia vjedhin telefonin dhe paratë, arrestohen tre të dyshuar në Fushë Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit