Ish-kryeinspektori i Agjencisë Kosovare për Inteligjencë (AKI), Burim Ramadani ka kërkuar nga liderët shtetërorë që të sqarojnë qëndrimet e tyre për draft-statutin e Asociacionit të komunave me shumicë serbe.
Ramadani përmes një postimi në rrjetin social në Facebook ka shkruar se Qeveria e Kosovës po i bën dëm Kosovës duke mos publikuar draft-statusin e Asociacionit.
“Nuk ka asgjë më të papranueshme sesa mungesa e transparencës në proceset që kanë ndodhur gjatë kësaj kohe. Kështu u dëmtua rëndë përmbajtja. Paramendojeni sikur një lidership transparent të kishte publikuar vet Draft-Statutin për Asociacionin. Sa mirë do të bënte. Sa shumë do të ndihmonte pozicionin e Kosovës.
Ta debatonin atë në detaje me: profesorët universitarë, ekspertët Kushtetues, ekspertët e qeverisjes lokale, studiuesit e politikave të akomodimit (integrimit), partitë politike (madje përfshirë edhe partinë në pushtet – sepse edhe aty veç një grup fort i ngushtë i njerëzve është i informuar me përmbajtjen e proceseve, të tjerët janë kasetofonë propagandues injorantë!), shoqërinë civile, mediat. Pse jo, edhe me ekspertë të njohur ndërkombëtarë e rajonalë”, ka shkruar Ramadani.
Ai po ashtu pyeti se pse tre liderët e shtetit nuk dalin bashkë e të njoftojnë opinionin publik? /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251