Kina ka një problem me veturat elektrike dhe ky është lajm i keq edhe për Elon Musk
BYD dhe Tesla të dy kanë njoftuar për shitjet e tyre gjatë tremujorit të parë të këtij viti, duke theksuar se kërkesa për vetura elektrike po bie në mbarë botën.
Edhe Kina si tregu më i madh i EV në botë nuk ka qenë imune nga kjo rënie.
Dhe me sa duket, çdo shenjë e rënies së kërkesave në Kinë, është keq edhe për Tesla-n e cila tashmë po vazhdon me uljet agresive të çmimeve të modeleve.
“Unë mendoj se një pjesë e madhe e mungesës së Tesla-s në tremujorin e parë ishte shkaku i Kinës. Ka shumë konkurrencë çmimesh dhe ne po shohim që konsumatorët po shkojnë drejt markave të tjera me oferta më të lira”, tha Seth Goldstein, kreu i komitetit për EV.
Ndryshe, Tesla uli çmimet e modeleve 3, S, X dhe Y vitin e kaluar në një përpjekje për të konkurruar me rivalët lokal, duke përfshirë edhe BYD.
Ulja e çmimeve e ndihmoi kompaninë e Elon Musk të regjistronte shifra rekord të dërgesave por ajo gjithsesi e humbi titullin si shitësja më e mirë në botë e automjeteve elektrike për vitin 2023.
Megjithatë, siç raportohet, Musk është tërhequr nga strategjia e uljes së çmimeve. E kjo thuhet të jetë një shenjë që ai e di se Tesla nuk mund ta fitojë këtë “luftë”.
Por, disa blerës të mundshëm po i shohin si irrituese këto uljet e vazhdueshme të çmimeve të kompanive. Kjo pasi BYD e uli koston e një modeli në 15 mijë juanë (1,920 euro) duke i bërë njerëzit të hezitojnë ta blejnë një të tillë.
Së fundmi, raportohet se shifra e shitjeve të BYD në Kinë është rritur për 43 për qind, rritje kjo e cila nuk ishte e mjaftueshme për ta ndaluar Tesla-n të rifitonte titullin si prodhuesi më i mirë i veturave elektrike.
Bëhet e ditur se kompania e Elon Musk zotëron edhe një fabrikë në Shangai ku prodhon modelin 3 dhe Y. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Standardi evropian: A e dini se për çfarë shërbejnë mbulesat e vogla në pjesën e përparme dhe të pasme të automjetit?
E kishte aktivizuar opsionin e vozitjes autonome – Tesla për pak sa nuk u përplas në trenin në lëvizje në Ohio
Servisi më i shtrenjtë se vetura, Rolls-Royce i prodhuar në vitin 2004 kushtoi 70 mijë dollarë – për riparim u shpenzuan 79 mijë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251