Protesta të dhunshme në Van – kurdëve u mohohet fitorja, AKP-ja e Erdoganit nuk e dorëzon pushtetin

Partia pro-kurde e Turqisë ka kundërshtuar edhe sot vendimin që anulonte zgjedhjen e kandidatit të saj për kryetar bashkie në qytetin lindor Van, pasi vendimi i bordit zgjedhor shkaktoi përplasje.

“Ne kundërshtuam që Bordi i Lartë Zgjedhor të anulonte kandidaturën e kryetarit të bashkisë sonë të qytetit të madh të Van, Abdullah Zeydan dhe t’i jepte mandatin kandidatit të AKP-së”, njoftoi partia DEM.

Abdullah Zeydan i DEM-it kishte marrë mbi 55 për qind të votave në Van në zgjedhjet lokale të së dielës.

Por komisioni rajonal zgjedhor tha se ai nuk ishte i përshtatshëm për të kandiduar, duke ia dorëzuar bashkinë një kandidati nga Partia për Drejtësi dhe Zhvillim (AKP) në pushtet e presidentit, Recep Tayyip Erdogan, i cili fitoi vetëm 27 për qind.

Vendimi i tyre pasoi anulimin në minutën e fundit të një vendimi gjyqësor që i kishte rikthyer të drejtën për të kandiduar në zgjedhje.

BREAKING:

Police take action against lawyers protesting against the certification of the mayoral election in the city of Van where the electoral body made the candidate of Erdogan’s AKP party mayor despite losing the election by 25% pp

Turkish police vs Turkish lawyers… pic.twitter.com/PKciL7DRAZ

— Visegrád 24 (@visegrad24) April 3, 2024

Zeydan, i cili ishte zgjedhur me biletën e HDP-së (tani DEM) në vitin 2015, u arrestua në vitin 2016 pasi kritikoi fushatën ajrore të ushtrisë turke kundër militantëve kurdë të jashtëligjshëm në juglindjen me shumicë kurde.

Protestat e dhunshme kundër rrëzimit të tij zgjatën gjatë natës në provincën Van, e cila shtrihet në kufirin lindor të Turqisë me Iranin.

Zyra e guvernatorit lokal ndaloi të gjitha demonstratat për 15 ditë pasi përleshjet e dhunshme u përhapën në disa qytete të rajonit, me disa protestues që u vunë flakën barrikadave të policisë.

DEM-i, i akuzuar nga autoritetet për lidhje me PKK-në, të dielën ka shpallur fitoret në qyteteve të mëdha në juglindje të Turqisë me shumicë kurde, duke përfshirë qytetin më të madh të rajonit, Diyarbakir.

Lëvizja është gjithashtu partia e tretë më e madhe në parlamentin kombëtar të Turqisë.

Partia tjetër opozitare CHP, e cila bëri fitime të mëdha në zgjedhjet lokale dhe mbajti kontrollin e Stambollit dhe qyteteve të tjera të mëdha, ka mbështetur DEM në betejën e saj kundër pushtetit të Van. /Telegrafi/

BREAKING:

Riots taking place in the city of Van in Turkey again following the mayoral election.

🇹🇷 pic.twitter.com/CZDWbbxZ86

— Visegrád 24 (@visegrad24) April 3, 2024