Vrasja e mjekut në Shkup, MPB: Janë shikuar mbi 40 video inçizime, janë marrë në pyetje më shumë se 15 persona

Hetimet për vrasjen e mjekut Aco Trpovski janë në fazë të avancuar, njoftuan nga MPB. Hetuesit e krimeve të dhunshme shqyrtuan më shumë se 40 video inçizime të sigurisë dhe kanë marrë në pyetje më shumë se 15 persona në përpjekje për të identifikuar vrasësin. Gjithashtu janë analizuar provat e mbledhura nga ekspertiza në vendin e ngjarjes.

Lexo po ashtu Gjendet i vdekur një person në Shkup, ka pasur plagë në trup

“Janë shikuar më shumë se 40 kamera duke përfshirë kamerat e “qytetit të sigurt”. Intervistat zyrtare janë realizuar me më shumë se 15 persona. Në veturën në fjalë është duke u kryer përpunim shtesë kriminalistik dhe teknik. Listat e numrave të telefonit janë dhënë dhe analizuar. Hetimi është në një fazë të avancuar”, thonë nga MPB.

Oda e Mjekëve ka dënuar vrasjen e kolegut të tyre, nga ku thonë se asnjë punonjës shëndetësor nuk duhet të ndihet i pasigurt në vendin e tij të punës. Ata kërkuan nga institucionet kompetente që ta zbardhin këtë rast në tërësi.

Lexo po ashtu Detaje të reja, si u gjet i vrarë mjeku nga Shkupi

Shoqata e mjekëve privatë amë po kërkon ligje të reja që do të nënkuptonin mbrojtje më të madhe për personelin mjekësor. Ata kërkuan edhe dënime më të rrepta për autorët./Telegrafi/