Rrëfimi për të moshuarin që përfundoi duke jetuar për nëntë muaj në një aeroport të Italisë – dhe tani ka një lajm të mirë për të
Stafi i aeroportit u bë ‘si familje’ për Arnaldon.
Bëhet fjalë për një të moshuar që jetonte në aeroportin e Bolonjës për nëntë muaj dhe të cilit tani i është dhënë “një shtëpi e re”, shkruajnë mediat e huaja, përcjell Telegrafi.
I njohur vetëm si Arnaldo, 83-vjeçari filloi të jetonte në aeroport kur nuk ishte më në gjendje të përballonte qiranë.
Stafi i aeroportit Marconi, i shtati më i madh në Itali, ishte bërë si një familje për të, duke i dhënë një “thes gjumi”, kafe dhe ushqime.
Një stendë gazetash aeroporti i dha gjithashtu një gazetë për ta lexuar çdo ditë.
Arnaldo mund t’ju kujtojë personazhin e Tom Hanks në filmin ‘The Terminal’, por këtu pensionisti ka përfunduar aty për shkak të varfërisë dhe jo burokracisë.
Pse jetonte Arnaldo në një aeroport?
Me origjinë nga ishulli italian i Sicilisë, Arnaldo tani është banor i Bastiglia, në provincën e Modenas.
Verën e kaluar, ai e gjeti veten të paaftë për të paguar qiranë, duke mbijetuar vetëm me një pension.
Dhe me gjithë ndihmën e shërbimeve lokale të të pastrehëve, ai përfundoi duke jetuar në aeroportin Marconi të Bolonjës.
Ai flinte jashtë, duke thënë se nuk donte të “bëhej i bezdisshëm”, por kjo nuk ishte e mundshme kur erdhi dimri.
Kështu, ai u zhvendos në zonën e kontrollit të aeroportit.
Atje ai pa një pritje të papritur.
Stafi i aeroportit filloi t’i siguronte atij kafe dhe ushqim, si dhe një “thes gjumi”.
Fundi i lumtur i Arnaldos
Nëntë muaj pas qëndrimit të Arnaldos në aeroport, bashkia e Bolonjës ka ndërhyrë për të ndihmuar.
Ndërsa ata përpiqen t’i gjejnë një shtëpi të përhershme, ai po strehohet në një hotel, sigurisht një hap më lart nga ndërtesa e terminalit të aeroportit.
Luca Rizzo Nervo, Këshilltar për Mirëqenien, thotë se Arnaldo u transferua aty pa kontaktuar shërbimet sociale lokale, por sapo ata ishin në dijeni për rastin e tij, iu ofrua mbështetje.
Këshilltari tha se i vinte keq që autoritetet mësuan për rastin e tij vetëm nga raportet e mediave dhe theksoi rëndësinë e kërkimit të ndihmës nga autoritetet kur të jetë e nevojshme. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251