Daçiq takohet me Lavrovin, përqafim i ngrohtë para ndeshjes Serbi-Rusi

Ministri i Jashtëm i Serbisë, Ivica Daçiq, është takuar sot me homologun rus Sergei Lavrov në Moskë.

Nga Moska ishte bërë e ditur se Lavrov kishte ftuar homologun serb, për ta ndjekur nga afër së bashku ndeshjen miqësore në futboll mes kombëtareve të Serbiasë dhe Rusisë, transmeton Telegrafi.

Daçiq dukej i lumtur që po takohet me Lavrovin, vendin e të cilit pothuajse e tërë Evropa e ka sanksionuar si kundërpërgjigje ndaj agresionit rus në Ukrainë.

Lexo po ashtu Ambasada serbe në Moskë shënon përvjetorin e bombardimeve të NATO-s

Madje Serbia është vendi i vetëm në Evropë dhe Ballkan që nuk i ka vendosur sanksione Rusisë, derisa të gjitha vendet perëndimore kanë refuzuar të kenë çfarëdo lloj takimi me elitën politike ruse.

Megjithatë kështu nuk po ndodhë me Serbinë, e cila është deklaruar haptazi se nuk do t’i vendosin sanksione Moskës dhe se vazhdojnë ta konsiderojnë si aleat të përbetuar.

Në anën tjetër Serbia do të jetë kombëtarja e parë evropiane, që do të luaj një ndeshje futbolli në Rusi që kur Moska filloi pushtimin e Ukrainës. /Telegrafi/

🇷🇺🇷🇸 Meeting of Russia's Foreign Minister Sergey #Lavrov with First Deputy Prime Minister, Minister of Foreign Affairs of the Republic of Serbia Ivica #Dacic 🤝

📍 Moscow#RussiaSerbia pic.twitter.com/jinoiTydv6

— MFA Russia 🇷🇺 (@mfa_russia) March 21, 2024