SHBA teston raketën hipersonike në Paqësor, ka kapacitet të udhëtojë me 6.500 kilometra në orë

Forcat Ajrore të SHBA-së kanë testuar për herë të parë një raketë hipersonike në Paqësor, në atë që analistët thonë se është një sinjal për Kinën se Uashingtoni ende konkurron në një arenë armësh.

Më 17 mars, një bombardues B-52 që fluturonte nga baza e Forcave Ajrore Andersen në ishullin Guam gjuajti “një raketë të plotë prototip operacionale hipersonike”, konfirmoi një zëdhënës i Forcave Ajrore në një deklaratë për CNN.

Testi i armës hipersonike, i quajtur zyrtarisht Arma e Reagimit të Shpejtë me lëshim ajror (All-Up-Round AGM-183A), u krye në qendrën testuese Reagan në Këajalein Atoll në Ishujt Marshall, pothuajse 1,600 milje (2,600 kilometra) në lindje të Guamit, thuhet në deklaratë, transmeton Telegrafi.

Testet e mëparshme ARRW janë kryer jashtë territorit të SHBA. ARRW përbëhet nga një motor përforcues rakete dhe një mjet rrëshqitës hipersonik, i cili mban një kokë konvencionale.

Ka “synim të sulmojë objektiva me vlerë të lartë, të ndjeshme ndaj kohës dhe me bazë tokësore”, thotë një dokument i Departamentit të Mbrojtjes të vitit 2021.

Raketa hipersonike udhëtojnë me shpejtësi më të madhe sesa ajo prej 5 Mach, ose afërsisht 6.500 kilometra në orë, – duke i bërë ato të vështirë për t’u zbuluar apo lokalizuar në kohë.

Gjithashtu manovrojnë dhe ndryshojnë lartësinë, duke i lejuar të shmangin sistemet aktuale të mbrojtjes raketore. /Telegrafi/