Nga burgu në shtëpinë e Big Brother VIP Albania, Liami rikthehet sërish në garë me vendimin e publikut

Pas një periudhe të vështirë dhe të papritur, Liam Mandiaro ka gjetur rrugën e tij përsëri në shtëpinë e “Big Brother VIP Albania 3”.

Ai, i cili pati një largim të detyruar nga shtëpia e famshme për shkak të një arrestimi dhe akuzave për mashtrim, tashmë ka fituar lirinë dhe, si rezultat i një televotimi të hapur për publikun, është mirëpritur sërish si banor.

Gjatë spektaklit të së martës, u organizua një votim me opsionet “Po/JO” ku teleshikuesit u ngarkuan me përgjegjësinë për të vendosur fatin e Mandiaros brenda lojës.

Siç u bë e qartë nga rezultatet e televotimit, Liami arriti të sigurojë mbështetjen e nevojshme për të rikthyer vendin e tij në shtëpinë që la pas hekurave disa javë më parë.

Ndërkaq, në një intervistë direkt në studio, Liam ndau përvojën e tij sfiduese, duke theksuar se nuk ia dëshiron këtë përvojë askujt dhe se është i gëzuar që ka fituar lirinë.

Ai gjithashtu shprehu vullnetin për të vazhduar përsëri aventurën e tij në “Big Brother VIP Albania”, por la në dorë të publikut vendimin përfundimtar.

“Liam u mor me pranga nga shtëpia, kaloi ditë në paraburgim dhe më pas në burgun e Rrogozhinës. Por sot ai nuk është më në qeli, ka fituar pafajësinë me vendim të Gjykatës dhe ne sot e kemi në studio”, – deklaroi prezantuesi i emisionit, Ledioni.

Liam Mandiaro, tani i çliruar nga akuzat që e sollën në qendër të vëmendjes jo për arsyet e duhura, ka një shans të dytë për të ndikuar në historinë e tij në “Big Brother VIP Albania”. /Telegrafi/