Si Pipi Çorapëgjata, Rita Ora merr vëmendjen me dukjen në natën e dytë të “The Masked Singer US”

Rita Ora, ylli shqiptar i muzikës pop me famë ndërkombëtare, ka vënë sërish në fokus dritat e shoubizit botëror me paraqitjen e saj më të re në panelin e jurisë të “The Masked Singer US”. Pas një performancë mbresëlënëse si gjyqtare në versionin britanik të emisionit, Rita tani ka sjellë energjinë e saj të veçantë në ekranet amerikane.

Në episodin e fundit të “The Masked Singer US”, Rita Ora u shfaq në një mënyrë të veçantë dhe plot kreativitet, e veshur si Pipi Çorapëgjata, personazhi i dashur dhe i gjallë i librave për fëmijë.

E veshur me sandale të kuqe tipike dhe një palë çorape të gjata të ndryshkura, ajo arriti të sjellë në skenë shpirtin e lirisë dhe energjinë që e karakterizon personazhin e famshëm.

33 vjeçarja publikoi disa fotografi nga ky moment në llogarinë e saj personale të Instagram, ku shfaqet në kostumin e veçantë të Pipi Çorapëgjata.

Fotografitë e saj menjëherë u bënë virale, duke tërhequr komente dhe mirënjohje nga fansat dhe ndjekësit, të cilët ishin të mahnitur nga transformimi i saj.

Paraqitja e Ritës në “The Masked Singer US” është vetëm një nga shumë momentet e saj të ndritshme në industrinë e muzikës dhe televizionit.

Ajo vazhdon të tregojë se është jo vetëm një këngëtare e talentuar, por edhe një figurë televizive me një gamë të gjerë të shprehive artistike.

Ndërsa “The Masked Singer US” vazhdon të impresionojë dhe të surprizojë audiencën me personazhe misterioze dhe zbulime të papritura, në rol të gjyqtares, Rita Ora sigurisht pritet të japë gjykime të sinqerta dhe të pasura me komentin e saj të mprehtë.

Në anën tjetër, përveç televizioni Rita vazhdon të jetë e angazhuar edhe në muzikë, ku po shijon suksesin e këngës “Last of us” të publikuar së fundmi në bashkëpunim me DJ Gryffin. /Telegrafi/