Ja në cilën bibliotekë në vend të pagesës për librin e humbur duhet ta dorëzoni një foto maceje
Keni humbur një libër biblioteke? Nuk ka problem.
Të paktën jo gjatë muajit mars në Worcester, Massachusetts të SHBA-së.
Biblioteka publike Worcester atje do të largojë disa tarifa që vendosen kur dikush vonon ose humbet librin, në këmbim të një fotografie të një maceje.
Qëllimi është të inkurajohen njerëzit që të lexojnë dhe vizitojnë bibliotekën përsëri, shkruajnë mediat e huaja, përcjell Telegrafi.
“Dhe njerëzit kanë përparësi. Pra, ne duam të vijmë te ata me dashamirësi, me falje, dhe t’u themi thjesht bëhuni pjesë e komunitetit tonë”, tha drejtori ekzekutiv i bibliotekës, Jason Homer.
Ky veprim synon të reduktojë pengesat për rikthim në bibliotekë, pavarësisht nga rrethanat në të cilat ndodhet personi.
Ndryshe, në vitin 2020 gjatë pandemisë COVID biblioteka ishte përballur me humbje të një numri të madh librash. Kjo pasi shumë prej njerëzve kishin libra që nuk mund t’i kthenin personalisht, periudhë kjo e cila zgjati për një vit e gjysmë.
Sipas Homerit, librat e humbur të bibliotekës janë një çështje mbarëkombëtare, andaj Biblioteka Publike po përpiqet që me anë të metodës me foto t’i bëjë njerëzit të kthehen në bibliotekë e të ua largojë frikën e penalizimit.
Mesatarisht, biblioteka ka mbledhur rreth 11 mijë dollarë (mbi 10 mijë euro) gjoba nga penalizimet e lexuesve që kanë humbur librat.
Përveç shkëmbimit të librave me foto maceje, janë planifikuar edhe ngjarje tjera në kuadër të eventit “Meowness” ku përfshihen vepra artizanale, tregime, shfaqje teatrale, dhe një seancë përkëdheljeje për macet. /Telegrafi/
Promo
Reklamo këtuLufta Prigozhin - Putin
Më shumëNga Rubrika
U hodh nga jahti dhe ra mbi balenën, burri nga Zelanda e Re dënohet me 600 dollarë
Po udhëtonte me veturë me shpejtësi prej 126 kilometra dhe rregullonte kubin e Rubikut – policia spanjolle publikon pamjet
Dasmë unike, çifti martohet në malin me borë të Zvicrës me mbi dy mijë metra lartësi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251