Ish-bashkëshorti i Britney Spears thotë se nuk do të flasë kurrë keq për të, pas ndarjes së tyre

Ish-burri i Britney Spears, Sam Asghari, nuk ka asgjë tjetër veçse kujtime të bukura nga koha e tij me yllin e muzikës pop.

Modeli dhe aktori, 29 vjeç – i cili u nda me krijuesen e hitit “Toxic”, 42 vjeçare, në gusht pas një viti martesë – tha se nuk mban mëri ndaj ish-partneres së tij, edhe pse ishte ai që bëri kërkesën për divorc.

“Ishte një bekim të ishe në gjendje të ndaja jetën me dikë për një kohë të gjatë. Dhe njerëzit ndahen dhe vazhdojnë”, tha ai për revistën People të shtunën.

“Kurrë nuk e kam kuptuar kur njerëzit ndahen [dhe] flasin keq për njëri-tjetrin”, vazhdoi ai.

Lexo po ashtu Të gjitha lajmet nga Sam Asghari

“Kjo është diçka që nuk do ta bëj kurrë sepse nuk pata asgjë tjetër veçse një përvojë dhe një jetë të mrekullueshme”.

Sam shtoi se, për momentin, ‘e vetmja grua’ në jetën e tij është qeni i tij, një ‘Doberman’ i quajtur Porsha.

Në gusht, Sam theu heshtjen pasi paraqiti kërkesën për divorc duke postuar në Instagramin e tij me një mesazh emocionues.

“Pas gjashtë vitesh dashuri dhe përkushtim ndaj njëri-tjetrit, unë dhe gruaja ime kemi vendosur të përfundojmë rrugëtimin tonë së bashku”, ka shkruar trajneri i fitnesit.

“Ne do të mbajmë dashurinë dhe respektin që kemi për njëri-tjetrin dhe i uroj asaj më të mirën gjithmonë”. /Telegrafi/