Arrestohet një 18 vjeçar në Ferizaj – kreu pagesë me 50 euro false

Policia e Kosovës ka njoftuar se dje rreth orës 23:00, policia e stacionit në Ferizaj ka pranuar një informacion se në një lokal, në rrugën ‘’Bajram dhe Gursel Sylejmani’ një person kishte kryer pagesën e shërbimeve me një kartëmonedhë të dyshuar prej 50 euro dhe ishte larguar me një veturë me targa vendore në drejtim të panjohur.

Në njoftimin për media thuhet se policët hetues nën autorizim të prokurorit kujdestar nga Prokuroria Themelore në Ferizaj i kanë nisur hetimet.

“Pas një pune intensive në terren, grumbullimit të informacioneve dhe shikimit të kamerave të sigurisë kanë arritur të identifikojnë automjetin Golf VI dhe të dyshuarin A.M (M/K) i moshës 18 vjeçar, të cilin në ora 01:30 të datës 29.02.2024 e kanë shoqëruar në stacionin e policisë në Ferizaj, ndërsa i janë gjetur edhe pesë kartëmonedha me nga 50 euro të dyshuara si të falsifikuara, të cilat si provë materiale janë sekuestruar”, thuhet tutje.

Pas intervistimit nga policët hetues, në prani edhe të avokatit mbrojtës, me vendim të prokurorit të rastit është ndaluar në mbajtje për 48 orë, për procedura tjera hetimore, ndërsa rasti është cilësuar “Falsifikim i parasë”. /Telegrafi/