Objektet misterioze të gjetura brenda një grope në Spanjë dyshohet se nuk janë nga Toka

Shkencëtarët kanë zbuluar dy artefakte të lashta të bëra nga metali që thuhet se nuk është nga Toka.

Zbulimi i pazakontë u bë 61 vjet pas gjetjes së një thesari të Epokës Iberike të Bronzit në një gropë zhavorri në Spanjë.

Thesari në fjalë konsiderohet si një nga rezervat më të mëdha të gjetura ndonjëherë që datojnë nga epoka evropiane e bronzit, dhe përbëhet nga 66 objekte prej ari, argjendi dhe qelibari.

Dy objektet e gjetura së fundmi janë prej hekuri, dhe duken mjaft të ndryshkura në krahasim me artikujt e tjerë.

Njëra është byzylyk i thjeshtë hekuri, ndërsa tjetra prej hekuri dhe ari, shkruan the Sun, përcjell Telegrafi.

Hetimi rreth këtyre objekteve është drejtuar nga Salvador Rovira-Llorens, i pensionuar nga Muzeu Arkeologjik Kombëtar i Spanjës.

Studiuesit tani mendojnë se gjetjet janë prej hekurit të meteoritëve e jo nga ndonjë metal i Tokës.

Kjo ka ndikuar që të krijohen polemika edhe rreth kronologjisë së thesarit të gjetur më herët.

Gjetjet janë publikuar në revistën Trabajos de Prehistoria, dhe shkencëtarët shpresojnë se kërkimet e mëtejshme do të konfirmojnë pretendimet e tyre. /Telegrafi/