Kalimi i Davies tek Real Madridi gjithnjë e më afër, Bayerni ka gjetur zëvendësuesin e kanadezit

Bayern Munich raportohet se i ka vendosur një çmim objektivit të Real Madridit, Alphonso Davies dhe janë gjithashtu duke u bërë gati për të blerë zëvendësuesin e reprezentuesit kanadez.

Sipas Sky Germany, një takim është mbajtur në Mynih mes agjentit të Davies, Nick Househ, dhe drejtorit sportiv të Bayernit, Christoph Freund, për të diskutuar mbi të ardhmen e lojtarit, e cila momentalisht është e paqartë.

23-vjeçari është nën kontratë me bavarezët deri në 2025 dhe po shtyen për një rritje substanciale të pagës për të nënshkruar një kontratë afatgjatë.

Sidoqoftë, Bayerni duket se nuk e ka pëlqyer këtë ide dhe nuk kanë shprehur gatishmërinë për të realizuar kërkesat e lojtarit, pasi që nuk janë të kënaqur me paraqitjet e tij të fundit.

Davies momentalisht është jashtë fushave për shkak të një lëndimi muskulor, por pritet që të rikthehet në ekip për ndeshjen e ardhshme ndaj Freiburgut.

Teksa bisedimet mes Real Madridit dhe Davies kanë vazhduar gjatë muajve të fundit, është lënë të kuptohet se negociatat kanë avancuar sa i përket anës financiare dhe se nuk do të jetë problem që të arrihet një marrëveshje.

Lexo po ashtu Bayern Munich konsideron shitjen e pesë yjeve në verë, alarmohen Man Utd dhe Liverpool

Megjithatë, aryseja kryesore pse kjo lëvizje nuk ka ndodhur deri më tash është për shkak të kostos së transferimit. Real Madridi besohet se janë të gatshëm të ofrojnë deri në 40-50 milionë euro më së shumti, ndërsa oferta e parë pritet të jetë në regjionin e 35 milionë eurove.

Bayerni në anën tjetër nuk ka qëndruar duarkryq në këtë situatë dhe tashmë kanë nisur kërkimet e para për zëvendësuesin e Davies, ku favoriti kryesor mbetet Theo Hernandez i Milanit./Telegrafi/