Vetëvrasja e 27-vjeçares në Kamëz, kush është personazhi i TikTok-ut që publikoi foton intime

Detaje tronditëse kanë dalë në dritë nga vdekja e Sibora Abedinit, 27-vjeçares e cila u hodh nga tarraca e pallatit ku jetonte në Kamëz.

E reja i dha fund jetës për shkak të publikimit të një foto intime të saj në rrjetin social Tik Tok.

Në lidhje me rastin u arrestua shtetasi Altin Çoku, një personazh i njohur në Tik Tok i cili është personi në foton intime me të ndjerën.

27-vjeçarja jetonte me qira në Kamëz, ashtu si autori i arrestuar. Ajo ishte e martuar me një shtetas nga Kosova me të cilin kishte dhe një vajzë. Problemet në çift kishin bërë që martesa të mos funksiononte dhe të kishte një krisje.

Lexo po ashtu E reja vetëvritet pasi i publikuan foto intime në rrjetet sociale, arrestohet 39-vjeçari në Tiranë

Teksa çifti ishte drejt ribashkimit publikimi i fotos me Çokun bëri që 27-vjeçarja të pësonte trauma dhe të ndërmerrte aktin ekstrem.

Vetë personazhi i Tik Tok deklaronte në një video të bërë disa ditë më parë se foton nuk e kishte publikuar ai.

Ai pretendon se në momentin që Sibora i dërgoi foton, disa miqtë të tij që ishin në tavolinë me të i morën telefonin dhe kishin publikuar pa dijeninë e tij.

“Në vijim të veprimeve hetimore të kryera, specialistët për Hetimin e Krimeve në Komisariatin e Policisë Nr. 5 bënë ndalimin me iniciativë të shtetasit: A. Ç., 39 vjeç, për veprën penale “Shkaktimi i vetëvrasjes”.

Ky shtetas dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën.

Materialet procedurale i kaluan Prokurorisë, për veprime të mëtejshme”, deklaronte Çoku. /Telegrafi/