Arsim Limani është ulur sot në bankën e të akuzuarve në Gjykatën e Prishtinës për t`u përballur me akuzat për vrasje të rëndë në tentativë të gazetarit Alban Selimi në mars të vitit 2023.
Në seancën e sotme ishte paraparë të bëhej dhënia e mbrojtjes nga i akuzuari, por ai shfrytëzoi të drejtën të mbrohet në heshtje.“I kam kuptuar të drejtat dhe dëshiroj të mbrohem në heshtje”- u shpreh i akuzuari Limani.
Përveç kësaj, në seancën e sotme u bë edhe administrimi i provave materiale me ç’rast u dhanë sqarime edhe rreth video incizimeve për të cilat ishte krijuar konfuzitet në seancën e fundit.
Rreth kësaj çështje prokurorja Javorka Perlinçeviq, e cila lëndën e ka trashëguar nga Ilaz Beqiri, tha se pasi ka biseduar me këtë të fundit ka kuptuar se në fakt kurrë nuk kanë ekzistuar dy CD me video incizime. Ndërsa, sipas saj, ka qenë gabim teknik që në aktakuzë janë propozuar dy CD.
Lidhur me këtë avokati Kujtim Kërveshi, i cili në këtë procedurë përfaqëson të dëmtuarin Alban Selimi, deklaroi se për këtë çështje i është drejtuar Zyrës së Kryeprokurorit të Shtetit.
“Mbrojtja ju njofton se asnjëherë nuk ka pretenduar se ekziston video incizim i vendit të ngjarjes gjatë kryerjes së veprës penale, por incizimi i asaj nate për të cilin kemi informatë të saktë që policia e ka disponu e për çudinë tonë institucionale nuk e kemi atë CD”, u shpreh Kërveshi, raporton Kallxo.com.
Përveç kësaj, avokati Kërveshi propozoi edhe disa fotografi të administrohen si prova materiale, propozim ky që u miratua nga Gjykata.
Në fotografi shihet shtëpia e të dëmtuarit pas zjarrit, njëra foto në natën kritike, kurse tjetra të nesërmen.
“Këto fotografi dëshmojnë para jush volumin e zjarrit dhe forcën që ka pasur, potencialisht ka pasur forcën për ta kapluar krejt shtëpinë”, tha avokati Kërveshi.
Ky rast po gjykohet në Departamentin e Krimeve të Rënda me trupin gjykues të kryesuar nga Medije Bytyqi, anëtarët Agim Kuqi dhe Ngadhnjim Arrni.
Seanca e radhës u caktua të mbahet më datën 12 shkurt kur edhe pritet të thuhen fjalët përfundimtare.
Sipas dosjes së Prokurorisë, në mars të vitit 2023 i akuzuari Arsim Limani ka tentuar të privojë nga jeta Alban Selimin përmes ndezjes së flakës në garazhin e shtëpisë së tij.
Gjithnjë sipas aktakuzës, Arsim Limani ishte afruar tek dera e garazhit dhe kishte hedhur një shishe benzinë të ndezur me ç’rast garazhin e kanë përfshirë flakët.
Alban Selimi në kohën e kryerjes së veprës nuk ka qenë në shtëpi, kështu duke jua rrezikuar jetën bashkëshortes dhe fëmijëve të Selimit – thuhet në aktakuzë.
Zjarri, sipas aktakuzës, është vërejtur dhe fikur nga kalimtarët e rastit.
Promo
Reklamo këtuLufta Prigozhin - Putin
Më shumëNga Rubrika
KSHZ publikon rezultatet e para zyrtare të zgjedhjeve presidenciale dhe kuvendare
Pas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Mbi 10 qytetarë paguan sigurim më të shtrenjtë për veturat, pritet vendimi nëse do të kompensohen
Pamjet e fundit para tragjedisë, Alma dhe fëmijët nisen drejt urës së Bunës
Vjosa Osmani e uroi për zgjedhjen si presidente e RMV-së, Gordana Siljanovska i përgjigjet në gjuhën shqipe
Ambasadori gjerman: Kurti ka qenë në dijeni për qëndrimet tona për Asociacionin
Mickoski për ndryshimet kushtetuese si kusht: Nuk dua ultimatume, por partneritet
Firmat e sanksionuara, dikur në bashkëpronësi të Milan Radoiçiqit, fituan miliona euro
Knaus: Fiasko diplomatike për Gjermaninë nëse bllokon anëtarësimin e Kosovës në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend