Opozita shqiptare: A mund të ketë ngjashmëri rasti i Pal Lekajt me Artan Grubin për “Bechtel Enka”?
Partitë opozitare shqiptare në Maqedoninë e Veriut, që janë pjesë e koalicionit “Lidhja Europiane për Ndryshim”, sot kanë ngritur dyshime për manipulim në tenderët dhe marrëveshjen për ndërtimin e Korridoreve 8 dhe 10-D, të cilat do t’i ndërtojë kompania “Bechtel Enka”.
Nga LEN thonë se mund të ketë ngjashmëri me rastin e Pal Lekajt dhe Artan Grubit, i cili është koordinator për projektet e korridoreve 8 dhe 10-D. Partitë opozitare shqiptare thonë se vetë fakti që marrëveshja për ndërtimin e korridoreve, e cila kushton mbi 1.3 miliardë euro u shpall si marrëveshje sekrete në mes Qeverisë dhe kompanisë “Bechtel Enka”, ngjall dyshime në opinion për keqpërdorime të mundshme.
“Ditë më parë në Kosovë u dënua me burg deputeti Pal Lekaj, i cili ka qenë ministër i infrastrukturës. Arsyeja e dënimit është pagesa prej 53 milionë eurove që Qeveria e Kosovës i kishte paguar “Bechtel-Enkës” për zgjatjen e afatit të përfundimit të punimeve në autostradën ‘Arbën Xhaferi’. Por a mund të ketë ngjashmëri me rastin e Pal Lekajt dhe Artan Grubit. Fatkeqësisht dyshimet në opinion janë tepër të mëdha. Por dyshimet për manipulime eventuale të Artan Grubit forcohen me faktin që ai përmes minsitrave të tij në Qeveri, e shpalli veten koordinator për ndërtimin e Korridoreve”.
“Dyshime ngriti edhe Komisioni për Anti-Korrupsion i cili tha se marrëveshjen nuk e kanë pranuar të plotë dhe me mungesën e anekseve të nënshkruara. Dhe imagjinoni po bëhen gati një vit prej kur është nënshkruar marrëveshja me Bechtel Enka dhe deri më tani nuk është ndërtuar asnjë metër autostradë. Ndërsa prej në prill të vitit të kaluar e deri më tani Qeveria i ka paguar Behtel Enkës 235 milion euro, për 0 metra autostradë”.
“Tani duhet që Qeveria të dalë dhe të tregojë se për çfarë janë paguar ata 235 milion euro ndaj “Bechtel-Enka”, sa marrëveshje të fshehura ka nënshkruar Artan Grubi dhe ku përfundojnë këto para. Pasi ende nuk është ndërtuar asgjë, mos vallë po vazhdon të pasurohet SORAVIA, EUROVIA dhe LLOTARIA!”, tha Daut Memishi nga LEN.
Ai i kërkoi kryeministrit Talat Xhaferi që nëse nuk frikësohet nga Artan Grubi, ta publikojë marrëveshjen e plotë për ndërtimin e Korridorit 8.
“Edhe mbi 1 miliadrë euro për ndërtimin e autostradës do të paguhen nga xhepi i qytetarëve dhe ata duhet ta dijnë se ku investohen paratë e tyre dhe në xhepat e kujt përfundojnë! A në qoftëse ka Talati ka frikë e kuptojmë, le të heshtë se mos ndoshta Artan Grubi e ndërron prej pozitës së kryeministrit teknik. Por një gjë është e sigurt! Derisa janë paguar qindra miliona euro e nuk është ndërtuar asnjë metër autostradë, në çdo rrugë e rrugicë lulëzojnë kazinotë dhe bastoret”, tha Daut Memishi./Telegrafi/
Lufta Prigozhin - Putin
Më shumëKSHZ publikon rezultatet e para përfundimtare, ky është numri i deputetëve të partive në Kuvend
Këto pritet të jenë ulëset e partive në Kuvend për katër vitet e ardhshme
Fatmir Bytyqi jep dorëheqje, kërkon dorëheqje edhe nga kryesia e LSDM-së
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Ahmeti: OBRM-PDUKM-ja e ka ndihmuar VLEN-in, ne kemi siguruar 19 mandate
Vuçiq uron Gordana Siljanovska-Davkovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend