Njihuni me 41-vjeçaren, kampione e botës – nënën vetushqyese që balancon karrierën mes boksit dhe punës së dytë

Nina Hughes kurrë nuk e kishte në mendje luftimin kur ajo u fut për herë të parë në një ring boksi, por tani ajo është një kampione botërore që balancon jetën si nënë beqare, gjersa bën një pun të dytë.

Sportistja 41-vjeçare u bë profesioniste vetëm dy vjet më parë, por fitoi një titull botëror vetëm në luftën e saj të pestë. Mamaja e dy fëmijëve mbrojti rripin e saj kundër Katie Healy qershorin e kaluar dhe tani po synon një luftë kundër kampiones së botës Miyo Yoshida, e cila mundi në mënyrë tronditëse Ebanie Bridges muajin e kaluar.

Pasi filloi karrierën në boks, Hughes u inkurajua përfundimisht nga trajneri i saj i parë Chris Okoh për të testuar veten në ring. Hughes vazhdoi të bëhej katër herë kampion kombëtare për amator dhe humbi një mundësi për të boksuar në Lojërat Olimpike 2012 në Londër.

“Kur mungova në Olimpiadë, u largova nga skuadra e Britanisë së Madhe dhe u përpoqa të vazhdoja stërvitjen. Unë shikoja të bëhesha profesioniste, por nuk kishte mundësi për femra. Humba interesimin dhe nuk kisha më motivimin që të vazhdoja, unë ndalova boksin për tre vjet dhe më pas shtova shumë peshë pasi linda fëmijën tim të parë”, deklaroi ajo për Mirror Fighting.

“Mendova, ‘Duhet të kthehem në palestër’. Fillova përsëri të stërvitem dhe e motivova veten të bëj një luftë, kjo ishte gjithçka që mendova të bëja. Po stërvitesha gjatë shtatzënisë sime të dytë sepse e dija që doja të vazhdoja, mendoj se u ktheva në palestër tre javë më vonë dhe boksova tre muaj më vonë!”.

Hughes mori vendimin për t’u bërë profesioniste në moshën 39-vjeçare kur Matchroom Boxing filloi të transmetonte në televizion më shumë luftime të femrave gjatë periudhës së bllokimit të Covid-19 tre vjet më parë. Edhe që kur u bë kampione e botës, Hughes ende punon me kohë të pjesshme si sekretare.

Hughes i jep vetes vetëm një ditë në javë pushim dhe bëri shaka se bën kompromise për mungesën e kohës që merr me fëmijët e saj duke i shpërblyer ata nëse fiton luftimet e saj. /Telegrafi/