Thirrje nga Ministria e Shëndetësisë: Vaksinohu kundër Kancerit të Qafës së Mitrës
Me rastin e shënimit të Javës Evropiane kundër Kancerit të Qafës së Mitrës, Ministria e Shëndetësisë, në bashkëpunim me Institutin Kombëtar për Shëndetësi Publike organizoi tryezën e rrumbullaket me moton “Kanceri i qafës së mitrës mund të parandalohet! Vaksinohu! Bëje PAP testin!”.
Në këtë tryezë mori pjesë Ministri i Shëndetësisë, Arben Vitia, drejtori i IKShPK, Naser Ramadani, kryetarja e Komisionit për Shëndetësi në Kuvendin e Kosovës, Fatmire Mullhaxha- Kollçaku, Shefja e Zyrës së UNFPA, Visare Mujko- Nimani, si dhe profesionistë shëndetësorë.
Sipas komunikatës, ministri Vitia theksoi rëndësinë e shënimit të Javës për Kancerin e Qafës së Mitrës, e cila është një sfidë e vërtetë për institucionet shëndetësore, për shoqërinë dhe për shëndetin e grave, për shkak të ndikimit të madh dhe të drejtpërdrejt në shëndetin e grave, por edhe për shkak të ndikimit social e financiar e kushtëzuar nga kostoja e lartë e kujdesit shëndetësor.
Ndërsa, Naser Ramadani, theksoi se vaksinimi kundër kancerit të qafës së mitrës dhe skriningu i rregullt janë mënyrat më efektive për të parandaluar kancerin cervikal. Ai tha se qëllimi është që të përmbushet objektivi 90–70–90 që duhet të përmbushen deri në vitin 2030 që është synim për t’u përmbushur deri më 2030 dhe që nënkupton 90% të vajzave të vaksinuara plotësisht me vaksinën HPV deri në moshën 15 vjeç, 70% e grave të kryejnë skrining test deri në moshën 35 vjeç dhe përsëri në moshën 45 vjeçe.
Po ashtu, Ministri Vitia potencoi se Ministria e Shëndetësisë vazhdon të jetë e përkushtuar për të siguruar shërbime cilësore shëndetësore dhe për të ndihmuar në luftën kundër kancerit të qafës së mitrës, ku gjatë vitit të kaluar, për herë të parë në Kalendarin e Rregullt të Vaksinimit në Kosovë, u përfshi edhe Vaksina kundër Human Papilloma Virusit, me qëllim të parandalimit të kancerit të qafës së mitrës përmes vaksinimit të vajzave të reja.
“Krahas vendimit politik, kemi siguruar edhe mbi 15.000 doza të vaksinës kundër HPV, me të cilat, duke filluar nga mesi i muajit shkurt, në pajtim me Planin e Veprimit, do të fillojmë vaksinimin e vajzave të klasave të gjashta në gjithë vendin tonë. Mos ta harrojmë faktin se si pilot-projekt me një numër më të vogël të dozave, vaksinimi kundër HPV filloi vitin e kaluar, ndërsa vaksinimi i rregullt është një hap shumë i rëndësishëm dhe një reflektim serioz i Ministrisë së Shëndetësisë në fushën e parandalimit dhe kontrollit. Gjithashtu, Ministria e Shëndetësisë është në proces të finalizimit të marrëveshjes me GAVI për të marrë të njëjtat sasi të vaksinave si donacion”, tha Vitia.
Në këtë hap tejet të rëndësishëm, Ministri e Shëndetësisë kërkon përkrahje nga profesionistët shëndetësorë, prindërit, mësimdhënësit, partnerët, publiku i gjerë dhe në mënyrë specifike nga mediat, të cilat kanë rol dhe ndikim të rëndësishëm në suksesin e vaksinimit, siç u dëshmua edhe gjatë vaksinimit kundër Covid-19. /Telegrafi/
Lufta Prigozhin - Putin
Më shumëGjashtë të lënduar nga aksidenti në Prishtinë, fotografi nga vendi i ngjarjes
Aksident te konviktet në Prishtinë, lëndohen gjashtë persona
Mosmarrëveshje për “përdorimin” e veturës, burri në Kishnicë deklaron në Polici se nuk dëshiron të jetojë më me gruan
Një tjetër fitore për Kosovën në Washington
Gjashtë të lënduarit nga aksidenti në Prishtinë po trajtohen në QKUK
Shtatë xhaketa të ushtrisë, fishekë e radio lidhje – Policia njofton se çfarë u gjet në shtëpinë e të dyshuarit që sulmoi Policinë dhe KFOR-in
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?