Reperi veteran i hip-hopit shqiptar, MC Beka, u shfaq si i ftuar në episodin e fundit të “Shok Podcast” ku vendosi të shprehej në mënyrë të hapur kundër transgjinores Edona James, një konkurrente nga Suhareka e shumë përfolur në edicionin e sivjetmë të “Big Brother VIP Kosova”.
Edona, e cila është bërë një nga figurat më të ndjekura të këtij sezoni të BBVK, u përfol për një intervistë të saj në një emision serb, ku ka deklaruar se nuk ndjehet si shqiptare, një deklaratë që ka ngritur debate të shumta. Komentet e saj kanë shkaktuar reagime të ndryshme në publikun shqiptar dhe në diasporën shqiptare.
MC Beka, gjatë intervistës në podcast, shprehu indinjatën e tij ndaj atyre që, sipas tij, e përkrahin “të keqen” dhe iu referua klikimeve të shumta që ka marrë intervista kontroverse e Edonës.
“Unë jam i dëshpëruar, jo me Edonën, por me popullin që dëshiron të shohë keq. 630 mijë klikime për atë intervistë. Tmerr”, u shpreh ai me tone kritike.
Reperi theksoi pikëpamjen e tij se nëse Edona ka kërkuar një jetë ndryshe diku tjetër, duhet të qëndrojë atje ku ndjehet më mirë, duke iu referuar sugjerimit të Edonës për të mos qëndruar as në Beograd e as në Prishtinë, por në vendin ku ka lindur dhe është rritur, Gjermani.
MC Beka shtrin pyetjen retorike u shpreh: “Çfarë po do ajo? Nuk po e din as çka po do”, duke treguar pasigurinë e tij lidhur me motivet dhe synimet e Edonës.
Debati rreth Edona James dhe roli i saj në “Big Brother VIP Kosova” ka hapur një diskutim më të gjerë për identitetin dhe përfaqësimin në media, si dhe për ndikimin e deklaratave publike mbi imazhin e një komuniteti. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Bebe Rexha flet për ndarjen nga ish-i dashur pas tri vitesh: Ishte shumë e vështirë, më duhej të shkoja në psikoterapi
Dokumentari për një nga skandalet më të mëdha seksuale në histori është aktualisht më i shikuari në Netflix
Rita Ora shfaq barkun e saj të tonifikuar në një video, përmes së cilës paralajmëron këngën e saj të re këtë verë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251