Rusët nuk kursyen as shkollat – autoritetet ukrainase tregojnë pasojat e granatimeve të natës në Kherson

Autoritetet ukrainase kanë publikuar disa pamje që thuhet se tregojnë pasojat e bombardimeve ruse të natës në rrethin Dniprovskyi të Khersonit.

Administrata Ushtarake Rajonale Kherson postoi videon në Facebook, raporton Ukrinform, përcjell Telegrafi.

“Mbrëmë, rrethi Dniprovskyi i Khersonit u vu nën sulmin e armikut…”, thuhet në deklaratë.

Lexo po ashtu Ukrainasit publikojnë videon: Kështu dukej sulmi më i madh rus në Avdiivka

Siç u theksua më tej, specialistët e shërbimit emergjent të shpëtimit të bashkisë rajonale po merren me pasojat e granatimeve.

Sipas RMA-së, rusët granatuan edhe një nga institucionet arsimore – dhe çatia e ndërtesës dhe palestra u dëmtuan.

Sipas Roman Mrochko, kreu i Administratës Ushtarake të qytetit Kherson, trupat ruse qëlluan shtatë herë në vendbanimet e komunitetit territorial të qytetit dhe përdorën 39 predha gjatë ditës së kaluar.

Lexo po ashtu Kryeministri sllovak: Ukraina duhet të heq dorë nga një pjesë e territorit për t’i dhënë fund luftës me Rusinë

Dëme u regjistruan në Kherson, Antonivka dhe Inzhenerne.

Për fat të mirë është thënë se askush nuk u lëndua në komunitetin territorial të qytetit Kherson si rezultat i bombardimeve ruse gjatë ditës së kaluar. /Telegrafi/