Ministri izraelit, Gvir: Duhet ta pushtojmë Gazën dhe të qëndrojmë atje – pastaj të inkurajojmë palestinezët të largohen

Ministri i Sigurisë Kombëtare i ekstremit të djathtë të Izraelit, Itamar Ben Gvir, ishte në mesin e atyre figurave qeveritare të përmendura në Gjykatën Ndërkombëtare të Drejtësisë, ndërsa Afrika e Jugut inicioi rastin e gjenocidit kundër izraelitëve.

Avokatët më pas cituan komentet e bëra në një intervistë televizive, ku ai kishte pohuar se “kur themi se Hamasi duhet të shkatërrohet, do të thotë gjithashtu ata që festojnë, ata që e mbështesin… të gjithë janë terroristë dhe të gjithë duhet të shkatërrohen”.

Ai gjithashtu ka pohuar disa herë se Izraeli duhet të qëndrojë në Gaza, duke thënë se është një “mundësi për t’u përqendruar në inkurajimin e migrimit të banorëve”, raporton skynews.

Itamar Ben Gvir, Israel’s Minister of National Security, said during an interview with Israel’s Channel 12 on Wednesday that he believes Israel needs to “occupy Gaza and stay there” and that they would develop a “plan of encouragement” to make Palestinians leave. pic.twitter.com/ana1nEOy0U

— Middle East Eye (@MiddleEastEye) January 18, 2024

Ben Gvir me sa duket ka shkuar një hap më tej, në komentet e bëra gjatë një interviste në televizionet izraelite.

Ai thotë se dëshiron që tani Izraeli “të pushtojë Gazën dhe të qëndrojë atje”, më pas të nisë një “plan inkurajimi” për t’i bërë palestinezët të largohen.

Lexo po ashtu CNN publikon video ku një militant i Hamasit i prenë në qafë pengjet e vdekura izraelite

I pyetur nëse është i gatshëm të dëbojë palestinezët nga territori, ai thotë se “sigurisht se po. Nëse vendosim, ne mund ta bëjmë”.

Ben Gvir, figurë e shquar në qeverinë e Benjamin Netanyahut, është dënuar më parë nga SHBA-ja për retorikë “e papërgjegjshme” ndërsa komentet e fundit do të ringjallin akuzat se Izraeli synon të kryejë spastrim etnik në Gaza. /Telegrafi/