Me hyrjen e vitit të ri, qytetarët e Kosovës kanë fituar të drejtën e shumëpritur për të udhëtuar pa viza në zonën Schengen.
Ky zhvillim është kulminacion i një procesi të gjatë, por jo pa konteste politike mbi atë se kush duhet të marrë kredit për këtë arritje.
Procesi i liberalizimit filloi vite më parë me ndërrimin e shumë qeverive, me zyrtarë të BE-së që kanë konfirmuar përmbushjen e shumicës së kushteve nga Kosova për heqjen e vizave.
Megjithatë, ish-kryeministri Isa Mustafa ka reaguar ndaj pretendimeve të qeverisë aktuale të udhëhequr nga Albin Kurti.
Nëpërmjet një postimi në rrjetet sociale, theksoi se pothuajse të gjitha kriteret e kërkuara për heqjen e vizave ishin përmbushur qysh në vitin 2016, gjatë mandatit të tij si kryeministër.
“Nga 95 kushte-kriteret që i kishte Kosova, 93 ishin përmbushur në vitin 2016 dhe dy të fundit, formalisht në vitin 2018,” theksoi Mustafa.
Ai shtoi se liberalizimi i vizave është një proces i nisur qysh në vitin 2009 dhe se meritat nuk duhet të përvetësohen nga aktorë specifikë politikë, duke e quajtur liberalizimin një rezultat të përpjekjeve kolektive.
Mustafa gjithashtu ka sjellë në vëmendje se opozita e asaj kohe, përfshirë Vetëvendosjen dhe partitë e tjera si AAK dhe NISMA, ishin kundër demarkacionit me Malin e Zi, që ishte kusht kryesor për liberalizimin.
“Opozita kundërshtonte demarkacionin me Malin e Zi duke trilluar se Kosova po humb 8200 hektarë. Demarkacioni u votua në mars të vitit 2018, gënjeshtrat u gëlltitën, por qytetarët e Kosovës u dashtë të presin edhe 7 vjet para ambasadave, të humbin kohë e të shpenzojnë para. Nuk mund të fajësohet vetëm Vetëvendosja, ishin edhe parti të tjera opozitare ( AAK, NISMA) që kundërshtuan sikurse edhe një numër i deputetëve të LDK-së (VV-së brenda LDK-së) dhe ndonjëri nga PDK”, u shpreh ai.
Këta kalkulantë të votave, sipas tij, Kosovës nuk ia kthyen asnjë hektar nga predikimet e tyre, por qytetarëve ua zbrazën xhepat, kurse gënjeshtrat dhe mashtrimet i shitën dhe vazhdojnë ti shesin në tregun e lirë të popullizmit.
“Liberalizimi i vizave në vitin 2016 do të kishte domethënie tjetër politike, kurse përfitimet e shtetit dhe të qytetarëve do të ishin shumë të mëdha. Por shumë më mirë vonë sesa të mbeteshim në geto,” deklaroi Mustafa./Telegrafi/
Promo
Reklamo këtuLufta Prigozhin - Putin
Më shumëKurti i ftoi liderët e opozitës në darkë pune, i përgjigjet Abdixhiku: Jeni vonë
Vdekja e dy ukrainaseve në Tiranë, zbardhet dëshmia e shoqes
Aurora – fenomeni i rrallë natyror ndriçoi edhe qiellin e Kosovës
Presidentja me foto simbolike nga vizita në Teksas
Kurti i ftoi në një darkë pune për të hënën, a do t'i shkojnë në takim krerët e PDK-së, LDK-së e AAK-së?
A do të ketë dënime për ata që nuk regjistrohen - çfarë thonë nga ASK-ja?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë