Kroacia padit serbin për vrasjen e gjyshit të futbollistit të njohur kroat Luka Modric
Zeljko Badza, një polic serb, i cili aktualisht jeton në Australi, u akuzua për vrasjen e shtatë civilëve në 1991, duke përfshirë gjyshin e futbollistit kroat, Luka Modric.
Zyra e prokurorit shtetëror të qarkut në Split tha të enjten se ka ngritur një aktakuzë që akuzon Zeljko Badza, tani 63 vjeç, për krime lufte ku përfshihet vrasja e shtatë civilëve në territorin e pushtuar nga rebelët serbë pranë qytetit të Zarës në vitin 1991.
Viktimat përfshinin gjyshin e kapitenit të ekipit kombëtar kroat të futbollit dhe lojtarit të Real Madrid, Luka Modric.
Gjyshi i Modric, 61-vjeçari Luka Modric, pas të cilit u emërua futbollisti, u vra më 18 dhjetor 1991 pranë fshatit Meki Doci, afër qytetit të Zaton Obrovacki.
Sipas aktakuzës, Badza shërbeu si komandant i një toge speciale dhe ishte anëtar i një njësie paraushtarake serbe në qytetin e Obrovac.
Badza dhe anëtarë të paidentifikuar të njësisë u ndeshën me Luka Modricin, i cili po kulloste dhitë pranë shtëpisë së tij, ku qëlluan dhe u vra pa ndonjë arsye.
Më pas, ata vazhduan me makinë në fshatin Meki Doci, duke hapur zjarr mbi civilët që hasën gjatë rrugës duke shkaktuar vdekjen e gjashtë personave të tjerë të moshës 60 vjeç e lart.
Badza u largua drejt Australisë dhjetë vjet më parë.
Futbollisti Modric ende nuk ka komentuar mbi aktakuzën. Megjithatë ai ka folur në të kaluarën se si vdekja e gjyshit e ka ndikuar fuqishëm tek ai kur ishte i ri.
“Isha shumë i lidhur emocionalisht me gjyshin tim. Unë u emërova sipas tij. Nuk është e lehtë kur i ndodh një gjë e tillë një të riu dhe nuk mund ta kuptosh pse”, kishte thënë Modric.
Vrasjet e Modric dhe viktimave të tjera ndodhën pasi Ushtria Popullore Jugosllave, e ndihmuar nga luftëtarët lokalë serbë dhe e mbështetur nga regjimi i Slobodan Milosevicit në Beograd, kishte pushtuar një të tretën e territorit kroat në vitin 1991.
Dëshmia vendimtare në këtë rast vjen nga nipi i gjyshit të Modric, i cili ndodhej i fshehur aty pranë në atë kohë.
Pasi gjyshi Modric i solli nipit ushqim u kthye në një vend tjetër rreth 200 metra larg, ku nipi pa një Land Rover dhe një automjet policie që vinin nga Obrovac, sipas aktakuzës.
Ai tha se dëgjoi të bërtitura dhe më pas të shtëna armësh. Më pas automjetet u larguan.
Atë mbrëmje, nëna e tij i solli darkën dhe i tha se Luka Modric ishte gjetur i vrarë me plagë në kokë nga arma e zjarrit, thuhej në aktakuzë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ousmane Dembele: Ashtu siç tha Marcel Desailly, Mbappe do të transferohet në Ligën Saudite
Veprim i shëmtuar nga tifozi i United ndaj Rashfordit – anglezi u ndal nga Antony para një skene shokuese
Finalja e Kupës së Italisë, Atalanta 0-1 Juventus: Bianconerët në epërsi
Zyrtare: Ligës Premier i dërgohet letër për heqjen e VAR-it
A do të luajë Girona në Ligën e Kampionëve? Ky është afati që UEFA i ka vendosur spanjollëve për ndërprerjen e lidhjeve me Man Cityn
Pep Guardiola emëron një lojtar që e ndaloi Arsenalin të bëhej kampion i Ligës Premier
Real Madridi po përgatit një transferim 'bombë' falë Jorge Mendesit
Pse transferimi i Michael Olise mund të përshpejtohet këtë verë - cili nga gjigantët do të fitojë shërbimet e tij
Çmenduria e kësaj vere: Bruno Fernandes transferohet te Interi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3