Rusët festuan rrëzimin e një “fluturakeje ukrainase” – para se ta kuptojnë se ishte një nga aeroplanët e tyre

Trupat ruse thuhet se kanë festuar rrëzimin e një “fluturakeje luftarake ukrainase” – para se ta kuptojnë se ishte një nga aeroplanët e tyre.

Sipas mediave të huaja, përcjell Telegrafi, aeroplani Su-25 dyshohet se është rrëzuar nga një sistem raketash tokë-ajër Buk-M3 – dhe raportet fillestare ruse festonin, duke menduar se kanë goditur një aeroplan ukrainas.

Por komandanti i forcave ajrore të Ukrainës ka këmbëngulur se ishte një aeroplan rus që u rrëzua.

Gjenerali Mykola Oleshchuk tha: “Mund të them me besim se nuk ishte mbrojtja ajrore e Ukrainës ajo që rrëzoi aeroplanin sulmues rus Su-25”.

Lexo po ashtu “Projekti i madh demografik i Putinit”: Deri në 800,000 rusë thuhet se janë shpërngulur për në Krime që nga pushtimi në vitin 2014

“Këto ishin veprime të qarta dhe të koordinuara të gjuajtësve rusë kundërajror, për të cilat u dërgojmë falënderime të shumta nga i gjithë populli ukrainas”.

Ndërkohë raportimet ruse, disa prej të cilave pretendonin se incidenti ndodhi pranë Yelyzavetivka në rajonin e Mykolaiv, më vonë u tërhoqën dhe pretenduan se aeroplani ishte rrëzuar ndërsa fluturonte ulët në dukshmëri të dobët.

Rusia ka vuajtur një sërë makthesh zjarri gjatë luftës së Vladimir Putinit kundër Ukrainës. /Telegrafi/