Bebe Rexha duket atraktive në frymën e festave të fundvitit, ndërsa pozon krah nënës së saj

As festat e fundvitit nuk ikin pa një prekje magjie nga Bebe Rexha, këngëtarja shqiptaro-amerikane e cila ka zgjedhur të organizojë një festë tejet festive në rezidencën e saj në Los Angeles.

E veshur me një fustan të zi magnetik që zbukurohet nga një të çarë anësore, Bebe ka treguar jo vetëm shpirtin e festave por edhe shkëlqimin e saj jetësor.

Në disa nga fotografi që ka ndarë me ndjekësit e saj në Instagram, Bebe shihet duke përçuar një atmosferë të këndshme dhe festive, në fustanin e dizajnuar nga kreatorja shqiptare Albina Dyla.

Ajo është fotografuar me buzëqeshje ndërsa rrethohet nga dashuria dhe gëzimi i miqve dhe familjes. “Duke i kaluar festat me njerëzit që dua”, shkroi Bebe Rexha në mbishkrimin e postimeve, duke i ftuar ndjekësit të marrin pjesë në gëzimin e saj përmes imazheve të ndara.

Interpretuesja e hitit të njohur “I’m Good (Blue)” ka arritur të krijojë një ndjenjë të ngrohtë dhe miqësore me këtë festë, ku ajo ka vënë në fokus dashurinë dhe lidhjet e forta që ka ndërtuar.

View this post on Instagram

A post shared by Bebe Rexha (@beberexha)

Bebe e cila është njohur për natyrën e saj të përmbajtur dhe përkushtimin në muzikë, gjithashtu demonstron një mjeshtëri të natyrshme të të qenit nikoqire e mrekullueshme.

Festa e Bebes është një dëshmi e qartë se yjet si ajo dinë të gjejnë kohë për t’u lidhur dhe për të festuar jetën, edhe në mes të një viti plot sfida dhe arritjesh profesionale.

Në këto imazhe dhe momente të ndara, Bebe jo vetëm që ka argëtuar të pranishmit në festën e saj por ka arritur edhe të prekë zemrat e mijëra ndjekësve nëpër botë që i bashkohen asaj në këtë periudhë të vitit të mbushur me magji dhe ndjenja.

Bebe Rexha përndryshe po përmbyll një vit shumë të suksesshëm në muzikë, pasi ka nxjerr në shitje albumin e tretë në karrierë të vetë-titulluar “Bebe”, gjersa edhe ka fituar një nominim për çmimet ‘Grammy Awards 2024’ në kategorinë “Kënga më e mirë ritmike/elektronike” për këngën e saj “One In A Million”. /Telegrafi/