Pas dy vizitave të ekspertëve të Bashkimit Evropian në Shkup, është përgatitur një raport i detajuar që përshkruan gjendjen e Këshillit Gjyqësor dhe përmban 40 rekomandime për të përmirësuar situatën. Raporti nuk do të jetë publik për të mbrojtur identitetin e 40 bashkëbiseduesve të përfshirë në këtë proces.
Ambasadori evropian, David Geer, njoftoi sot se numri i lartë i rekomandimeve, 40 në total, tregon për problemet e thella në funksionimin e Këshillit Gjyqësor, duke e vlerësuar atë si një pikë kritike. Ai shtoi se nevojiten veprime urgjente për të adresuar këto sfida.
Raporti identifikoi 23 rekomandime që kërkojnë ndryshime kushtetuese apo ligjore, ndërsa 17 të tjera lidhen me transparencën dhe praktikat e punës në Këshillin Gjyqësor, pa kërkuar ndryshime kushtetuese apo ligjore.
“Këto probleme nuk janë të ditës së djeshme, por janë akumuluar duke mos u adresuar siç duhet në kohën e duhur”, thotë Geer.
Në fokusin e rekomandimeve janë përzgjedhja e anëtarëve të Këshillit Gjyqësor dhe termi “jurist i shquar”. Në raport sugjerohet shkurtimi i mandatit 6-vjeçar të anëtarëve të Këshillit Gjyqësor dhe ndryshime në procedurat e shkarkimit të kryetarit të Këshillit Gjyqësor.
BE-ja gjithashtu rekomandon krijimin e një kodi etikës për sjelljen e anëtarëve të Këshillit Gjyqësor, përmirësimin e procedurës së shkarkimit të kryetarit të Këshillit, dhe përcaktimin e veprave për të cilat mund të shkarkohet kryetari. Po ashtu, kërkohet përmirësimi i procedurave për vlerësimin dhe promovimin e gjyqtarëve.
“Ne presim që këto rekomandime të jenë një prioritet kryesor për të gjitha qeveritë e mëvonshme.” “Pa zbatimin e këtyre rekomandimeve, nuk shoh se si do të përparonin reformat në drejtësi”, shtoi Geer.
Misioni ekspert i BE-së erdhi në Shkup pas një sërë seancash skandaloze të Këshillit Gjyqësor, duke filluar me shkarkimin e paligjshëm të presidentes Vesna Dameva më 26 prill. /Telegrafi/
Promo
Reklamo këtuLufta Prigozhin - Putin
Më shumëNga Rubrika
KSHZ tregon daljen në shtatë vendvotimet ku sot rivotohet
E rëndë në Durrës, katër të rinj marrin peng dhe dhunojnë një 15-vjeçar, policia ndërhyn për ta liruar
Zjarr në departamentin e grave në Idrizovë, katër punonjëse kanë përfunduar në Toksikologji
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251