Dua Lipa merr vëmendje me stilin e veshjes gjatë një tjetër dalje në New York

Dua Lipa dukej sikur sapo kishte dalë nga “The Matrix” kur shëtiti në New York të martën (28 nëntor).

Artistja ndërkombëtare, e cila thuhet se do të niset në turneun e saj të parë në stadium në vitin 2024, u pa e veshur pothuajse tërësisht me ngjyrë të zezë ndërsa po shijonte drekën në qytet.

Krijuesja e hiteve, 28 vjeçe, veshi një pallto lëkure të zezë vintage, të cilën e shoqëroi me pantallona lëkure gjithashtu të zi dhe të bardhë me një bel elastik dhe kordon, dhe çizme me taka të larta.

Flokët e gjatë të kuq të këngëtares “Sweetest Pie” ishin të ndarë në mes dhe të stiluar me valëzim.

Lexo po ashtu Olly Alexander pritet ta përfaqësojë Britaninë e Madhe në "Eurovision 2024", me një këngë të shkruar nga Dua Lipa

Grimi i saj dukej natyral, ndërsa mbante edhe një palë vathë të madhe me xhevahir dhe syze dielli të errëta.

Këngëtarja e “New Rules” mbante një çantë të madhe lëkure të zezë, të cilën “Vogue” e identifikoi si një çantë klasike “Hermes Birkin”.

Kënga e artistes “Dance The Night” nga kolona zanore e “Barbie” mori nominimet për “Grammy” për “’këngën e vitit’ dhe ‘këngën më të mirë të shkruar për median vizuale’. Të dy çmimet nderojnë kantautorët.

Çmimet “Grammy” do të mbahen më 4 shkurt 2024. /Telegrafi/