Klitschko: Kievi është goditur nga një sulm masiv me dron gjatë natës

Vitali Klitschko tha se shumë pjesë të kryeqytetit ukrainas, Kievi ishin cak i sulmeve të shtetit rus.

Sipas forcave ajrore të Ukrainës, ky ishte sulmi më i madh rus deri më tani me dronët kamikaz Shahed.

Dronët janë kapur, por pjesë të fluturakes së rrëzuar kanë lënë të plagosur të paktën dy persona dhe kanë dëmtuar disa ndërtesa.

Lexo po ashtu Rusia nuk heq dorë së shkaktuari probleme, sërish nis emigrantët drejt pikës kufitare finlandeze

Duke shkruar në Telegram, Klitschko tha se blloqet e apartamenteve u goditën – dhe një zjarr kishte shpërthyer në një çerdhe, raporton skynews.

Kjo vjen pasi presidenti, Volodymyr Zelenskyy paralajmëroi civilët që të prisnin bombardime të mëdha gjatë dimrit nga Moska.

Në një fjalim të natës fundjavën e kaluar, ai tha se “sa më shumë i afrohemi dimrit, rusët aq më shumë do t’i bëjnë sulmet më të fuqishme”.

Ndryshe, Rusia ka nisur pushtimin e pajustifikueshëm të Ukrainës më 24 shkurt të vitit të kaluar duke shkaktuar mijëra viktima dhe dëme të shumta materiale. /Telegrafi/

This morning, #Kiev & its neighboring regions are under what they say it is the biggest #Russian drone strike since the start of the war. Apparently, the #RussianArmy is making extensive use of the #Geran2 drone to attack facilities & infrastructure.#UkraineRussiaWar #Ukraine pic.twitter.com/wkrBscwG6h

— Like Rst ✊☠ (@rst_like) November 25, 2023