Sindikata e Pavarur e Minatorëve të “Trepçës” është ankuar të premten se pagat e tyre nuk kanë dalë as pas datës 24 nëntor.
Në reagimin për media thuhet se marrëveshja e arritur me Bordin javë më parë “është thyer nga ata që e negociuan”.
“Ku e lamë, e ku na mbeti…! Edhe pas datës 24 nuk është realizuar paga e minatorëve të Trepçës së Kosovës. Marrëveshja e arritur si rezultat i grevës është duke u shkelur nga Bordi dhe deputetët negociatorë, minatorët kërkojnë t’i përmbahen marrëveshjes”, thuhet në komunikatë.
Sipas sindikatës, minatorët janë tradhtuar nga Bordi dhe deputetët.
“Minatorët janë të tradhtuar. Marrëveshja është thyer nga ata që e negociuan”.
Ndryshe, minatorët e “Trepçës” përfunduan grevën 10-ditore më 3 nëntor, pasi arritën marrëveshjen me Bordin, negociuar nga disa deputetë të Lëvizjes Vetëvendosje, për plotësimin e kërkesave të tyre.
Sipas marrëveshjes, pagat e minatorëve do të dilnin nga data 6 deri më 10 të muajit dhe jo më vonë, konkursi për kryeshef të shpallej brenda 10 ditësh, ndërsa për sigurimin shëndetësor do të vazhdohej të pritej.
Në marrëveshje ka qenë kërkesë e minatorëve që të tërhiqen edhe vendimet e nxjerra gjatë grevës, duke përfshirë masat sanksionuese ndaj disa minatorëve. Por në letrën e Bordit ishte thënë se pajtohen me tri pika, ndërsa për vendimet gjatë grevës ishte thënë se do të bëhet analizim dhe shqyrtim i vendimeve. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Rafuna në Washington nënshkruan një akt për bashkëpunim me Shtetet e Bashkuara në fushën e turizmit
CineStar feston ditëlindjen e parë më 1 dhe 2 Qershor – bileta për të gjithë filmat vetëm 1,90€
Këtë të premte hapet Festivali i Turizmit “Peja Outdoor Tourism Festival”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251