YouTube ashpërson rregullat ndaj këngëve të gjeneruara nga Inteligjenca Artificiale
YouTube do të prezantojë opsionin për të sinjalizuar këngët të cilat janë të krijuara me Inteligjencë Artificiale dhe që imitojnë zërin e artistëve të njohur.
Sipas udhëzimeve të reja nga YouTube, kompanitë e muzikës do të jenë në gjendje të bëjnë kërkesë për të larguar nga platforma ato këngë që shfrytëzojnë versione artificiale të zërave të artistëve.
Një vegël e re do të shtohet në platformën e videos që do t’iu mundësojë kompanive të diskografisë dhe distributorëve të identifikojnë dhe raportojnë këngët që kopjojnë në mënyrë të paautorizuar zërin karakteristik të këndimit të artistëve.
Ndikimi i muzikës artificiale të gjeneruar nga AI ka qenë një fenomen i shfaqur si rezultat i progresit të teknologjisë gjenerative AI – që është një mjet teknologjik i aftë të krijojë tekst, figura vizuale dhe zëra të besueshëm nga udhëzimet e përdoruesve.
YouTube gjithashtu ka shprehur se do të zgjerojë mundësinë për individët të paraqesin ankesa për ‘deepfakes’ nëpërmjet përditësimit të procedurave të ankesave për privatësinë.
Platforma njëkohësisht thekson rëndësinë e udhëzimeve të përditësuara për AI në trajtimin e përmbajtjes që trajton çështje delikate – të tilla si proceset zgjedhore, konfliktet aktuale dhe krizat e shëndetit publik, ose në kontekstin e zyrtarëve publikë.
Do të vendoset një etiketë specifike që tregon se një video përmban përmbajtje të gjeneruar nga AI në pjesën përshkruese të videos, dhe një etiketë më të spikatur në rastet kur videoja trajton tema më të ndjeshme. YouTube shtoi se çdo material që sjell shkelje të rregullave ekzistuese të përmbajtjes dhe është i gjeneruar artificialisht do të fshihet. /Telegrafi/
Promo
Reklamo këtuLufta Prigozhin - Putin
Më shumëNga Rubrika
iPhone 4 SE i Apple do të jetë më i shtrenjtë se paraardhësi i tij
Ligji i parë global për Inteligjencën Artificiale – çfarë synon me këtë hap inovativ Bashkimi Evropian?
Shkarkoni iOS 17.5.1 tani për të rregulluar problemin e rishfaqjes së fotove të fshira
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251