Shkupi shqyrton ndarjen e rrugëve me ndërtuesit kinezë të autostradës
Ndërtimi i autostradës Kërçovë-Ohër prej 57 kilometrave filloi në vitin 2014. Në bazë të marrëveshjes që firmosi kompania kineze me Qeverinë maqedonase, punimet duhej të përfundonin më 2018, por për shkak të shfaqjes së shumë problemeve në terren kjo kontratë u shty fillimisht për në vitin 2021 dhe më pas deri në fund të vitit 2023.
Nëse do të prolongohet edhe një herë afati i përfundimit të ndërtimit të autostradës në fjalë apo do të ndërpritet përfundimisht kontrata me kompaninë kineze, duhet të vendosë Kuvendi i Maqedonisë së Veriut.
Në pikën 20 të marrëveshjes së datës 29 tetor 2013, lidhur midis Qeverisë së Maqedonisë së Veriut që drejtohej atë kohë nga kryeministri Nikolla Gruevski dhe kompanisë kineze Sinohydro, theksohet se Gjykata e Arbitrazhit në Paris është kompetente për arbitrazh të mundshëm.
Kryeministri i Maqedonisë së Veriut, Dmitar Kovaçevski, në fillim të këtij muaji ka lënë të hapur mundësinë e ndërprerjes së kontratës me kompaninë kineze Sinohydro.
“Meqenëse ky projekt ka 10 vjet që nuk është përfunduar për një sërë arsyesh që kanë të bëjnë që nga projektimi deri në realizimin e vetë projektit, mendoj se duhet të mendohet në drejtim të ndërprerjes së kësaj marrëveshjeje dhe të kërkohet një kontraktues që do ta bëjë atë në mënyrë cilësore”, ka theksuar Kovaçevski.
Por, deputeti i OBRM-PDUKM-së, Bojan Stojanovski, thotë për Radion Evropa e Lirë se edhe nëse ndërpritet kontrata me kompaninë që ndërton autostradën Kërçovë-Ohër, kompania kineze Sinohydro do të mbetet prezent në këtë aks rrugor, pasi në bazë të kontratës, kjo kompani do të vazhdojë të jetë përgjegjëse për një pjesë të objekteve.
“Ka disa objekte që edhe kundrejt asaj se kompania mund t’i lërë punimet, duhet t’i mbrojë dhe sigurojë. Kjo ndodh gjithkund në sektorin e ndërtimtarisë, qoftë nëse bëhet fjalë për urë, apo mbikalimet ujësjellësit via-duct… Derisa Sinohydro nuk përfundon me këto objekte, ne, si shtet, nuk mund të sjellim kontraktues të ri”, thotë Stojanovski.
Sipas tij, pushteti me insistimin për ndërprerjen e kontratës, synon të sjellë kontraktues të ri.
Ndërprerja e kontratës me kompaninë kineze Sinohydro, do të godas edhe kompanitë vendore, pasi kompania e re ka të drejtë të zgjedhë nënkontraktues krejtësisht të rinj.
Andrea Serafimovski, kryetar i Shoqatës së ndërtuesve në kuadër të Odës Ekonomike, thotë se për ndërtimin e autostradën Kërçovë-Ohër janë angazhuar 70 deri 100 kompani maqedonase.
Serafimovski thekson se kompanitë vendore që janë angazhuar si nënkontraktuese, do t’i humbin edhe referencat për projekte të mbyllura me sukses.
“Kompanitë do të kenë dëm të dyfishtë. Ne bëjmë thirrje, çfarëdo që të vendosë shteti, të gjendet mënyra që këto kompani maqedonase, të cilat kanë dhënë mund, kanë punuar për 10 vjet, fituan përvojë dhe krijuan referenca, të mos i humbasin kompanitë e tyre”, thotë Serafimovski.
Edhe Prokuroria Speciale Publike ngriti procedurë gjyqësore për shkak të shkeljeve gjatë procedurës së përzgjedhjes së kompanisë për ndërtimin e autostradës me kompaninë kineze Sinohydro.
Në këtë rast u akuzuan zyrtarët më të lartë të qeverisë së atëhershme – kryeministri Nikolla Gruevski, zëvendëskryeministri Vladimir Peshevski, ministri i Transportit Mile Janakieski, dhe drejtori i atëhershëm i Ndërmarrjes Publike për Rrugë Shtetërore, Ljupço Georgievski.
Në bazë të aktakuzës për rastin e njohur si “Trajektorja”, të pandehurit gjatë përzgjedhjes së kompanisë, kanë shfrytëzuar fuqinë dhe autoritetin e tyre dhe kanë dëmtuar buxhetin e shtetit për të paktën 155 milionë euro.
Por, me ndryshimet në Kodin Penal kjo lëndë është vjetërsuar, ndaj dhe të pandehurit nuk do të mbajnë përgjegjësi.
Në bazë të kontratës së parë mes Qeverisë maqedonase dhe kompanisë kineze Sinohydro , ndërtimi i autostradës Kërçovë-Shkup ishte paraparë të kushtojë 375 milionë euro.
Por, me aneksin e lidhur në vitin 2019, kontrata arrin vlerën e 600 milionë eurove. Kredia është marrë nga Ndërmarrja Publike për Rrugët Shtetërore dhe ka afat shlyerjeje prej 20 vjetësh me grejs-periudhë pesëvjeçare me një kamatë prej dy për qind, përkatësisht kredia për autostradën Kërçovë-Ohër duhet të shlyhet deri në vitin 2038./REL/
Promo
Reklamo këtuLufta Prigozhin - Putin
Më shumëNga Rubrika
Në komunën e Tearcës nga gjithsej 9 fshatra vetëm Tearca do të ketë kanalizim
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
“E lindur për së dyti” – gratë luftojnë dhunën në familje me pavarësim financiar
U raportua se tregoi para Policisë së Serbisë të dhëna për UÇK-në, Durmishi: Është dokument i falsifikuar, jo deklaratë e imja - nuk shantazhohem dot nga UDB-ja
Rrëshqet dheu në rrugën Klinë - Gjakovë, bllokohet qarkullimi i automjeteve
Mospërfshirja e Kosovës në agjendën e Komitetit të Ministrave, eurodeputeti holandez: Shtetet anëtare të KiE-së iu përulen Serbisë
Shtyrja e afatit për regjistrimin e popullsisë, ASK jep detaje nga Plani i veprimit
Dështimi për anëtarësim në KiE, Haradinaj: Betejën e patëm humbur edhe në UNESCO dhe INTERPOL - jemi në rrethana të rënduara gjeopolitike, jo në vitin 1999 e 2008
Greqi, publikohen pamjet e momentit të vrasjes së Enkelejda Danajt nga ish-bashkëshorti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore