Pamjet tregojnë se si Iago Aspas ‘shkatërron’ monitorin e VAR-it pas vendimit kontrovers ndaj ekipit të tij

Iago Aspas e nxori zemërimin e tij në monitorin e VAR-it, pasi Celta Vigos iu anulua një penallti në sekondat e fundit në ndeshjen e tyre në La Liga kundër Sevillas.

Sulmuesi 36-vjeçar, i cili u zëvendësua në minutën e 69-të të sfidës së së shtunës në Estadio Municipal de Balaídos, u ngrit në këmbë kur Celta mori një penallti çastet e fundit të takimit.

Gjyqtari Alejandro Hernandez bëri me shenjë tek pika e bardhë, pasi Jesus Navas bëri një ndërhyrje të palejuar në zonë, por, për habinë e shumë njerëzve,  ai e hodhi poshtë vendimin fillestar pas një rishikimi në VAR.

Kartoni i verdhë i Navas u anulua shpejt dhe një Aspas i zemëruar i bëri të qarta ndjenjat e tij pasi rezultati mbeti 1-1.

Ish-anësori i Liverpoolit marshoi drejt monitorit të VAR, përpara se ta shtynte atë me një shuplakë të shpejtë.

Iago Aspas has had enough of VAR 😂😂 pic.twitter.com/d1hgBOTOzK

— Footy Humour (@FootyHumour) November 5, 2023

Aspas, i cili ka të ngjarë ta ketë future veten në probleme të mëdha pas incidentit, më vonë shprehu zhgënjimin e tij për vendimin e diskutueshëm të gjyqtarit në intervistën e tij pas ndeshjes.

“Bilanci bie gjithmonë në të njëjtën anë dhe sot kur mund të na kishte favorizuar, ai shkon në VAR për ta parë atë që ka parë e gjithë Spanja”.

“Kemi kaluar dymbëdhjetë ditë dhe në shtatë ndeshje bilanci gjithmonë bie në anën tjetër. Ne duam të jemi liga më e mirë në botë dhe nuk po avansojmë kështu”, është shprehur Aspas pas ndeshjes.

Celta Vigo were awarded a 97th minute penalty against Sevilla for this, but VAR overturned the on-field decision, much to the frustration of Rafa Benitez and his players.pic.twitter.com/hqUUtZrgo0

— Football España (@footballespana_) November 4, 2023

Për rastin në fjalë, pas ndeshjes kritika të ashpra në drejtim të gjyqtarit pati edhe ish-trajneri i Real Madridit, Rafa Benitez, por tashmë ishte vonë pasi ndeshja kishte përfunduar me rezultat të barabartë./Telegrafi/