U tha se erdhi ‘me zero’, Interi publikon shifrat prapa marrëveshjes për Thuramin

Interi ka publikuar bilancet e tyre të fundit, duke konfirmuar kostot pas marrëveshjes për lojtarin e lirë, Marcus Thuram.

26-vjeçari francez u bashkua me Nerazzurrët në një transferim të lirë në verë pasi kontrata e tij skadoi me Borussia Monchengladbach, duke shtuar një tjetër opsion sulmues në skuadrën e Simone Inzaghit.

Thuram ka filluar mirë me Interin këtë sezon, duke shënuar katër gola dhe duke dhënë shtatë asistime në 12 paraqitjet e tij të para në Serie A dhe Ligën e Kampionëve, duke krijuar shpejt një partneritet të fortë me Lautaro Martinez.

Siç konfirmohet në bilancet e Interit, transferimi i Thuramit i kushtoi klubit rreth 8 milionë euro komisione, me 413,000 euro tashmë të amortizuara.

#Inter have paid €8M as fees to Marcus #Thuram’s agent to sign the french striker as free agent. #transfers

— Nicolò Schira (@NicoSchira) October 26, 2023

Secilin vit të kontratës së tij, kostot e Thuramit do të jenë rreth 1.6 milionë euro më të ulëta në bilance, kështu që verën e ardhshme ato do të ulen në 6.4 milionë euro dhe 4.8 milionw euro një vit më pas.

Duke marrë parasysh fillimin e tij të jashtëzakonshëm të sezonit, marrëveshja për francezin tashmë ka filluar të dëshmojë vlerën e tij dhe vlera e tij në treg mund të jetë mbi 40 milionë euro. /Telegrafi/