U zunë në pritë nga persona të armatosur, të paktën 11 policë të vrarë në Meksikë

Të paktën 11 oficerë policie dhe një shef sigurie janë vrarë në shtetin jugor Guerrero të Meksikës, thonë mediat lokale duke cituar burime policore.

Ata thonë se një patrullë sigurie u zu në pritë nga persona të armatosur të paidentifikuar në komunën Coyuca de Benítez, në perëndim të vendpushimit të Paqësorit të Acapulco, shkruajnë mediat e huaja, përcjell Telegrafi.

Disa nga viktimat e sulmit të së hënës u vunë në pranga përpara se të qëlloheshin për vdekje, thotë gazeta El Universal.

Guerrero është vazhdimisht e goditur nga dhuna në lidhje me trafikun e drogës.

Un ataque contra elementos de la policía municipal de Coyuca de Benítez, Guerrero, en el poblado de El Papayo, en la carretera federal Acapulco-Zihuatanejo, dejó un saldo de 13 efectivos muertos, entre ellos una mujer policía, y dos heridos. pic.twitter.com/qHMYBKWWKy

— Azucena Uresti (@azucenau) October 23, 2023

Grupe të ndryshme në zonë luftojnë për kontrollin e rrugëve fitimprurëse të drogës në veri përgjatë korridorit të Paqësorit.

Rajoni është gjithashtu një pikë e nxehtë për rritjen e bimëve të opiumit dhe prodhimin e heroinës.

Vitin e kaluar, një kryebashkiak i një qyteti të vogël në Guerrero u qëllua për vdekje nga persona të armatosur.

Autoritetet fajësuan për këtë sulm një bandë kriminale të lidhur me një kartel droge. /Telegrafi/