Reagimi emocionues dhe lot në tribuna nga prindërit e Marc Guiu pasi 17-vjeçari shënoi në debutim për t’i dhënë fitoren Barcelonës

Marc Guiu nuk do ta harrojë kurrë në jetën e tij 22 tetorin e vitit 2023, kur bëri edhe debutimin me ekipin e parë të Barcelonës.

Sulmuesi i talentuar u inkuadrua në lojë në minutën e 79-të dhe për më pak se 30 sekonda në fushë ai realizoi gol për t’i dhënë fitoren Barcelonës 1-0 ndaj Athletic Bilbao.

Ka qenë një moment shumë emocionues për lojtarin në fushë, por jo vetëm pasi edhe në tribuna kishte emocione të mëdha.

Prindërit e 17-vjeçarit kishin ardhur për ta parë nga afër birin e tyre dhe shpërthyen në festë pasi Guiu realizoi golin.

Nëna, babai dhe motra e lojtarit janë filmuar në tribuna teksa shpërthyen në lot gëzimi pasi Guiu shënoi gol dhe sigurisht që për ta ka qenë momenti më i mirë deri më tani.

Lexo po ashtu “Nuk mund ta besoj" - shënoi në debutim për Barcelonën, fjalët e para të Marc Guiu

Vet talenti spanjoll tha pas ndeshjes se nuk mund ta besonte atë që ka bërë në debutim.

“Nuk mund ta besoj. Po e shijoj momentin. Kam punuar gjithë jetën për këtë mundësi dhe doli perfekt”, ka thënë Guiu. /Telegrafi/

😍 LO BONITO DEL FÚTBOL

👏 Así ha reaccionado la familia de Marc Guiu a su debut y gol para dar la victoria al Barça pic.twitter.com/PBpB1UMrZB

— Post United (@postunited) October 22, 2023