Xholev: Krijimi i Komisionit Hetimor për rastin në Onkologji në një kohë kur ka një hetim aktiv është i papranueshëm

Ngritja e Komisionit Hetimor Parlamentar për çështjen e Onkologjisë në një kohë kur ka një hetim aktiv është një gjë e palejueshme. Është normale nëse hetimi mbyllet, por gjatë një hetimi aktiv është pengesë, sipas kryetarit të Gjykatës Themelore Penale Shkup, Ivan Xholev.

Sipas Xholev, procesi hetimor është duke u kontaminuar dhe nuk ka asnjë reagim për të.

“Kjo është normale nëse hetimi mbyllet dhe ka kaluar një periudhë më e gjatë kohore. Në një rast të tillë, po, por gjatë një hetimi aktiv është pengesë. Ata marrin të gjithë dokumentacionin, marrin në pyetje, kështu që e kontaminojnë procesin hetimor dhe nuk ka asnjë reagim për këtë”, theksoi Xholev.

Pyetja që sipas kryetarit të Gjykatës Penale duhet bërë është se si është e mundur të bëhet një hetim paralel, pra të merren në pyetje të njëjtët persona që merren në pyetje nga prokuroria.

“Pastaj kur të vijnë në gjykatë, mbrojtja do të thotë se kjo nuk mund të përdoret më si provë, për këtë, atë, atë… pastaj lëndimet, pastaj Strasburgun e kështu me radhë. Është shumë e ndërlikuar, edhe pse nga jashtë mund të mos duket kështu”, sqaron Xholev./Telegrafi/