Maqedonia fiton miqësoren ndaj Armenisë

Maqedonia e Veriut ka triumfuar në ndeshjen kontrolluese ndaj Armenisë me rezultat 2-0.

Takimi i luajtur në stadiumin “Blagoj Istatov” të Strumicës i takoi djemve të seleksionuesit Bllagoja Milevski që dominuan plotësisht ndeshjen ndaj armenëve, duke u treguar më të mirë në fushën e blertë.

Ndeshjen e zhbkllokoi Aleksandar Trajkovski në minutën e 43-të, kur pas një kombinimi perfekt me Elif Elmasin, realizoi për 1-0. Pjesa e parë u mbyll me këtë rezultat, ndërsa në të dytën Ristovski gjeti rrjetën në minutën e 59-të për epërsi 2-0 të Maqedonisë.

Deri në fund të ndeshjes, kishte kohë edhe për dy gola, kur i sapo inkuadruari në lojë Erdon Daci, realizoi në minutën e 88-të për shifrat 3-0, ndërsa në shtesat Armenia gjeti golin e vetëm me Spertsyan, duke u mbyllur kështu ndeshja me rezultat 3-1.

Seleksionuesi Bllagoja Milevski luajti me formacion të kombinuar në këtë sfidë, duke iu dhënë mundësi shumicës së futbollistëve për të konfirmuar potencialin e tyre.

Maqedonia ndeshjet e radhës i luan muajin tjetër kur përballet me Italinë dhe Anglinë në kuadër të eliminatoreve të Europianit./Telegrafi/