‘Gjuetari’ i fantazmave thotë se është ‘mallkuar’ pasi vizitoi ‘kukullën më të pushtuar në botë’

Një gjuetar fantazmash profesionist nga Nashville thotë se ai vizitoi “kukullën më të pushtuar në botë”, dhe tani njerëzit janë të bindur se ai është i mallkuar.

Bëhet fjalë për Kalani Smith, 25 vjeç, dhe një YouTuber kanadez i njohur si “Exploring with Josh”.

“Shumë nga njerëzit që kanë ardhur këtu dhe e kanë parë Robertin në sy kanë përjetuar probleme me veturën, probleme martese dhe disa njerëz madje kanë marrë edhe kancer”, tha Smith në një video të postuar TikTok muajin e kaluar, video kjo që ka mbledhur 36,000 shikime, shkruan NY Post, transmeton Telegrafi.

Robert jeton në një muze në Key West, Florida.

Kukulla, një djalë i veshur me një kostum marinari që mbante në dorë një qen të vogël, thuhet se i ishte dhuruar një djali.

Roberti dyshohet se ka aftësi të mbinatyrshme që e lejojnë atë të lëvizë dhe të qeshë, dhe ai besohet se ka frymëzuar filmin Chucky të vitit 1988 “Child’s Play”.

Thuhet se një vështrim drejt lodrës mund të lëshojë mallkimin e tij.

@kalanighosthunter ROBERT THE DOLL- The most haunted object in the WORLD…. #kalanighosthunter #robertthedoll #samandcolby @Exploring With Josh ♬ Suspense, horror, piano and music box – takaya

“Përflitet se kukulla i shan njerëzit që e filmojnë pa leje – dhe ne nuk e pyetëm. Ne nuk e morëm atë dhe ai qëndroi në kutinë e tij ndërsa ishim jashtë dhomës, por sapo e zbuluam, një ndjenjë elektrike dhe e rëndë mbushi ajrin”, deklaroi Smith për Jam Press.

“Ne morëm disa zëra që dolën në regjistruesin tonë të zërit dhe pajisjet që ishin në dhomë. Kishte gjithashtu diçka që erdhi nga kutia e shpirtrave, e cila thoshte se donte që ne të qëndronim”, vazhdoi tutje ai.

Nga ana e tij, Josh postoi një video në YouTube javën e kaluar që tregonte ofrimin e gjakut të çiftit për Robertin. Gjërat u kthyen shpejt në negative.

“Ne u sulmuam pasi u krye rituali i gjakut dhe u ndjemë sikur na kap zjarri. U bë jashtëzakonisht nxehtë dhe më pas ne të dy përfunduam duke bërë gropë”, shpjegoi Smith për Jam Press.