Opozita në Maqedoninë e Veriut kërkon nga kryeministri Dimitar Kovaçevski apo kryetari i Kuvendit, Talat Xhaferi, takim të liderëve të partive politike, në të cilin do të bisedohej për caktimin e datës për mbajtjen e zgjedhjeve të parakohshme parlamentare.
Kryetari i OBRM-PDUKM-së, Hristijan Mickoski, thotë se zgjedhjet duhet të mbahen për shkak të dështimit të shumicës parlamentare për miratimin e ndryshimeve kushtetuese për përfshirjen e pakicës bullgare në preambulën e saj, si popull shtetformues, që është kusht për procesin e integrimit evropian.
Në vitin 2024 duhet të mbahen zgjedhjet e rregullta presidenciale dhe parlamentare.
Mandati i presidentit përfundon më 12 maj, ndërsa i deputetëve më 4 gusht dhe në rast se zgjedhjet presidenciale dhe parlamentare mbahen në afatet e rregullta, atëherë bazuar në afatet ligjore, dallimi kohor mes tyre mund të jetë vetëm për disa ditë.
“Kur bëj thirrje për mbajtjen e një takimi të liderëve mendoj për një takim në të cilin ne do të bisedonim për data të caktuara që të mos hyjnë në krizë kushtetuese, të ketë shkelje të afateve, por edhe të Kushtetutës. Prandaj, disa muaj para mbajtjes së tyre duhet të ulemi dhe të bisedojmë për datat e mundshme për zgjedhjet. Mbledhja mund të thirret edhe nga kryetari i Kuvendit dhe të caktojmë datën për zgjedhje të parakohshme”, thotë Mickoski.
Sipas tij, pushteti ka dështuar në miratimin e ndryshimeve të Kushtetutës, andaj “duhet të përballet me popullin në zgjedhje, jo vetëm për këtë dështim, por edhe për gjendjen e rëndë ekonomike e sociale në vend”.
Ndërkohë, opozita shqiptare kërkon që të jetë pjesë e bisedimeve për caktimin e datës së zgjedhjeve duke theksuar gatishmërinë për pjesëmarrje në cilëndo qoftë datë që mund të caktohet nga partitë politike.
“Gjithçka që ka të bëjë me procesin zgjedhor që të jetë ferr, demokratik dhe i pranueshëm për qytetarët, ne jemi të gatshëm të japim kontributin tonë dhe të marrim pjesë në takime që zgjedhjet të jenë të pranueshme për qytetarët. Ne kërkojmë që kjo qeveri sa më shpejt të reflektojë, të caktohet takimi i liderëve dhe të shpallen zgjedhjet e parakohshme”, thotë Bilall Kasami, përfaqësues i Opozitës së Bashkuar Shqiptare.
Ai kërkon që dy ciklet zgjedhore për president dhe për deputetë, të mbahen në një datë për t’i ikur shpenzimet në kohë të krizë së madhe ekonomike.
Por, për kryeministrin Dimitar Kovaçevski, nuk ka nevojë për një takim të liderëve pasi ai thotë se mbetet në ofertën për kreun e opozitës, se zgjedhje të parakohshme mund të ketë vetëm në rast se ajo i mbështet ndryshimet kushtetuese.
“Ne kemi një ofertë për liderin e opozitës. Nëse të hënën apo kurdo qoftë i votojmë ndryshimet kushtetuese, të njëjtën ditë do të shpërndajmë Kuvendin dhe do të caktojmë datën e zgjedhjeve. Ne jemi të gatshëm edhe të formojmë qeveri të zgjeruar duke ua lënë gjysmën e kabinetit kuadrove të OBRM-PDUKM-së dhe deri në zgjedhjet e rregullta të miratojmë të gjitha ligjet dhe kriteret tjera të nevojshme për integrimin evropian”, deklaron Kovaçevski.
Edhe Bashkimi Demokratik për Integrim që është pjesë e qeverisë është kundër zgjedhjet të parakohshme. Kjo parti thotë se në rast se opozita mbështet ndryshimet kushtetuese, ajo do të heqë dorë nga kërkesat e saj për kryeministër shqiptar në 100 ditët e fundit të Qeverisë, ashtu siç parashihet me një marrëveshje të saj me LSDM-në.
Përpjekje për zgjedhje të reja në Maqedoninë e Veriut kishte edhe në janar të vitit 2022, por opozitës i mungoi vetëm një votë për mosvotimin e Qeverisë së kryeministrit aktual Dimitar Kovaçevski./REL/
Promo
Reklamo këtuLufta Prigozhin - Putin
Më shumëNga Rubrika
Përmbytjet në Vlorë, bëhet evakuimi i 55 familjeve
Toshkovski: Instalojmë kamera rrugore për sigurinë e qytetarëve, shifrat e aksidenteve janë shqetësuese
Kurti kërkon nga Perëndimi t’i ndërpriten ndihmat Serbisë dhe kthimin e zonës së sigurisë kufitare
Osmani publikon fotografi nga darka e organizuar nga Macroni për krerët e shteteve të Frankofonisë
Rashiq: Pres që ndalesa për importin e mallrave nga Serbia të hiqet
Vujanoviq: Paqja dhe stabiliteti i rajonit të sigurohet nga vet shtetet e Ballkanit Perëndimor
Rrahje mes disa personave në Prishtinë, lëndohen dy prej tyre
Kurti: Mbështetjen masive që po e gëzon kjo Qeveri do të tentojnë ta minimizojnë me fushata shpifëse
Kurti: Liberalizimi i vizave nuk e ka rritur migrimin
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri