Goditja e këmbësorit me veturë, ministrja Hajdari paraqitet në seancë

Ministrja e Industrisë, Ndërmarrësisë dhe Tregtisë, Rozeta Hajdari është paraqitur në Gjykatën Themelore në Prishtinë, ku do të mbahet seanca e radhës mbi aksidentit që kishte shkaktuar në vitin 2022.

Në seancën e 12 tetorit 2022, ministrja Hajdari kishte thënë se nuk ndjehet fajtore për aksidentin ku ishte goditur një fëmijë, transmeton Telegrafi.

Lexo po ashtu Ministrja Hajdari rrëfen detaje për aksidentin: Fëmija u përplas në veturën time

Ajo kishte deklaruar se ka qenë në shpejtësinë brenda rregullave të komunikacionit dhe se papritmas vajza është goditur nga vetura pasi e njëjta ka qenë duke vrapuar.

“Atë ditë isha duke u kthyer në banesën time dhe derisa isha duke u parkuar, është një kamerë pranë një marketi, e cila ka incizuar të gjithë situatën se çka ka ndodhur. Kur u mundova të sqarohem se çka ka ndodhur u akuzova që unë po fsheh aksidentin, unë nuk e kam ditur që duhet ta informoj opozitën, por unë e kam ditur që duhet ta informoj policinë që ka ndodhur një aksident”, kishte deklaruar ministrja.

Seanca ndaj ministres Hajdari po mbahet e mbyllur për media./Telegrafi/