Të shtëna armësh në Universitetin e Baltimore, plagosen pesë persona

Pesë persona janë qëlluar të martën mbrëma në Universitetin Morgan në Baltimore, ku policia akoma nuk ka arritur të lokalizojë të dyshuarin derisa hetimet mbi të shtënat janë duke vazhduar, raporton CNN.

Rojat e universitetit kishin dëgjuar të shtënat rreth orës 21:25, dhe menjëherë i dolën në ndihmë viktimave në kampus, ku pati shumë dritare të thyera.

Viktimat janë katër meshkuj dhe një femër të moshës 18 deri në 22-vjeç, të cilët u dërguan në spital me plagë kryesisht të lehta.

Katër nga viktimat janë studentë të Universitetit Morgan, bëri të ditur drejtori i policisë Lance Hatcher, transmeton Telegrafi.

Ekipet e SWAT dhe policët lokalë i janë përgjigjur thirrjes për pjesëmarrje në lokalizimin e të dyshuarit për sulmin në Universitet në verilindje të Baltimore, derisa studentëve dhe profesorëve u është kërkuar të futen në një strehimore derisa të kapet i dyshuari.

“Nuk kemi arritur ta lokalizojmë të dyshuarin. Nuk kemi ndonjë informacion sesi mund të jetë dukur i dyshuari”, u tha nga policia amerikane. /Telegrafi/

🚨#BREAKING: Active Shooter at Morgan State University Multiple Injuries Reported as Shots have been Fired from Upper Floor Dorm Room Window

📌#Baltimore | #Maryland

Multiple authorities are at the scene, confirming their response to an active shooter situation at Morgan State… pic.twitter.com/9EPu03DfcK

— R A W S A L E R T S (@rawsalerts) October 4, 2023